Folla de ruta
WordPress evoluciona continuamente a través do proxecto Gutenberg, unha reimaxinación a longo prazo de como se crea e xestiona o contido na web, co obxectivo de ampliar o acceso a unha presenza web sólida para particulares, creadores e negocios modernos. A Fase 1 introduciu o Editor de bloques en WordPress 5.0, mentres que a Fase 2 se centrou na Edición do sitio, e culminou en WordPress 6.3 co lanzamento do Editor do sitio e de potentes ferramentas baseadas en bloques que se estenden a todo un sitio. Hoxe, a Fase 3 está en marcha, centrada na edición e nos fluxos de traballo colaborativos, e leva a colaboración en tempo real e procesos de publicación máis áxiles a WordPress. Para máis detalle sobre a Edición do sitio, os seus compoñentes e outros traballos de características activos, explora a Visión xeral dos proxectos de características.
O proxecto ten os seguintes obxectivos xerais para 2026:
- Desenvolvemento do núcleo e WordPress 7.0 — Entrega tres versións principais en 2026, con WordPress 7.0 avanzando nas características de colaboración da Fase 3, a xestión de medios no cliente, os controis de estilo adaptable e as ferramentas de bloques ampliadas para impulsar a creatividade e o rendemento.
- IA en todas partes, con salvagardas e referentes claros — Integra intencionadamente a IA na experiencia de WordPress para simplificar a creación, os fluxos de traballo e a contribución, á vez que se establecen directrices en todo o proxecto que defendan a transparencia, o control do usuario e os valores de WordPress.
- Renovar os Meetups — Reforza os meetups locais como centros comunitarios activos e prácticos que axuden aos recén chegados a aprender xuntos, gañar confianza e pasar a ter perfís de colaborador significativos.
- Comunidade, educación e a canle de colaboradores — Amplía os programas educativos e aclara os camiños de contribución para que os novos colaboradores poidan incorporarse con facilidade, conectar cos equipos e crecer cara a roles continuos no proxecto.
Queres participar? Diríxete a Make WordPress e coñece á xente que desenvolve, deseña, documenta, traduce e comercializa WordPress.
Futuras versións
Segue o progreso da próxima versión principal no noso seguimento de incidencias. As datas previstas a continuación son só para unha planificación aproximada.
| Versión | Planificado |
|---|---|
| 7.2 | 10 de decembro de 2026 |
As novas características conxélanse un mes antes do lanzamento, pondo completamente o foco na calidade e no rendemento da versión.
Podes consultar unha lista de versións anteriores na nosa páxina de historia.
Folla de ruta a longo prazo
A modo de recordatorio, estas son as catro fases descritas no proxecto Gutenberg:
- Edición sinxela: Xa dispoñible en WordPress, con melloras continuas.
- Personalización — Edición completa do sitio, padróns de bloques, directorio de bloques, temas de bloques
- Colaboración — Unha forma máis intuitiva de ser co-autor de contido
- Multilingüe — Implementación do núcleo para sitios multilingües