Licenza pública GNU

A licenza baixo a que se publica o software de WordPress é a GPLv2 (ou posterior) da Free Software Foundation. Con cada copia de WordPress inclúese unha copia da licenza, pero tamén podes ler aquí o texto da licenza.

Parte desta licenza describe os requisitos para obras derivadas, como plugins ou temas. Os derivados do código de WordPress herdan a licenza GPL. Drupal, que ten a mesma licenza GPL que WordPress, ten unha excelente páxina sobre licenzas para temas e módulos (a súa palabra para plugins).

Existe certa zona gris legal respecto ao que se considera unha obra derivada, pero cremos firmemente que os plugins e os temas son obras derivadas e, polo tanto, herdan a licenza GPL. Se non estás de acordo, quizais queiras considerar utilizar unha plataforma sen licenza GPL como Serendipity (licenza BSD).