WordPress.org

About

Privacy

Política de privacidade

As webs de WordPress.org (en diante «WordPress.org» neste documento) refírense ás webs aloxadas en WordPress.org, WordPress.net, WordCamp.org, BuddyPress.org, bbPress.org, e outros dominios e subdominios relacionados. Esta política de privacidade describe o modo en que WordPress.org utiliza e protexe a información que nos facilitas. Comprometémonos a garantir a protección da túa privacidade. Se nos proporcionas información persoal a través de WordPress.org, podes estar seguro de que só se utilizará de acordo con esta declaración de privacidade.

Visitantes da web

Ao igual que a maioría de operadores de webs, WordPress.org recompila información de identificación non persoal do tipo que os navegadores e servidores web adoitan pór a disposición, como o tipo de navegador, a preferencia de idioma, o sitio de referencia e a data e hora de cada solicitude de visitante. O propósito de WordPress.org ao recompilar información de identificación non persoal é comprender mellor como utilizan os visitantes de WordPress.org a súa web. De vez en cando, WordPress.org pode publicar información de identificación non persoal de forma agregada, por exemplo, publicando un informe sobre as tendencias de uso da súa web.

WordPress.org tamén recolle información que podería considerarse identificación persoal, como direccións de protocolo de Internet (IP). Porén, WordPress.org non emprega direccións IP para identificar aos seus visitantes e non divulga dita información, salvo nas mesmas circunstancias nas que emprega e divulga a información de identificación persoal, tal como se describe a continuación.

Recompilación de información de identificación persoal

Certos visitantes de WordPress.org optan por interactuar con WordPress.org de forma que requiren WordPress.org para recopilar información de identificación persoal. A cantidade e o tipo de información que recolle WordPress.org depende da natureza da interacción. Por exemplo, solicitamos ós visitantes que utilizan os nosos foros que proporcionen un nome de usuario e un enderezo de correo electrónico.

En cada caso, WordPress.org recompila dita información só na medida necesaria ou apropiada para cumprir o propósito da interacción do visitante con WordPress.org. WordPress.org non revela información de identificación persoal que non sexa a descrita a continuación. E os visitantes sempre poden negarse a proporcionar información de identificación persoal, coa advertencia de que isto pode impedirlles realizar certas actividades relacionadas coa web, como comprar unha entrada para WordCamp.

Toda a información que se recolle en WordPress.org xestionarase de acordo coa lexislación GDPR.

Protección de determinados datos de carácter persoal

WordPress.org só revela información que poida proporcionar datos de carácter persoal a aqueles administradores de proxectos, empregados, contratistas e organizacións afiliadas que (i) necesiten coñecer dita información para procesala en nome de WordPress.org ou para proporcionar servizos dispoñibles a través de WordPress.org, e (ii) que acordaran non revelala a terceiros. Algúns destes empregados, contratistas e organizacións afiliadas poden encontrarse fóra do teu país de orixe; ao utilizar WordPress.org, aceptas que se lles transfira dita información.

WordPress.org non alugará nin venderá información persoal potencialmente identificadora ou información identificadora a ninguén. Agás aos administradores de proxecto, empregados, provedores e organizacións afiliadas, como se describe enriba, WordPress.org só revela información potencialmente identificadora e información identificadora cando así se lle require por lei, se nos diches permiso para que compartamos a túa información ou se WordPress.org cre de boa fe que revelar a información é razoablemente necesario para protexer a propiedade ou dereitos de WordPress.org, terceiros ou o público en xeral.

Se eres un usuario rexistrado dunha web WordPress.org e proporcionaches o teu enderezo de correo electrónico, WordPress.org ocasionalmente pode enviarche un correo para informarte sobre novas características, solicitar a túa opinión, ou simplemente manterte ao día sobre as novidades de WordPress e os nosos produtos. Utilizamos o noso blog como medio principal para comunicar este tipo de información, así que esperamos manter este tipo de correos electrónicos ao mínimo.

Se nos envías unha solicitude (por exemplo a través do correo electrónico de soporte ou por un dos nosos mecanismos de interacción), reservámonos o dereito a publicalo para aclarar ou responder á túa solicitude ou para axudarnos a dar soporte a outros usuarios. WordPress.org toma todas as medidas razoablemente necesarias para evitar o acceso, uso, alteración ou destrución non autorizadas de información potencialmente identificadora e información identificadora.

Uso da información persoal

Non usaremos a información que proporciones cando rexistres unha conta, asistas aos nosos eventos, recibas os boletíns, uses outros servizos ou participes no proxecto de código aberto de WordPress de calquera outra forma.

Non venderemos nin cederemos a túa información persoal a terceiros agás no caso de que teñamos o teu permiso ou a lei nos obrigue a facelo.

Gustaríanos enviarche de vez en cando correos electrónicos con comunicacións de marketing que poden ser do teu interese. Se das o teu consentemento para o marketing, podes retiralo máis adiante.

Tes dereito a impedir en calquera momento que nos comuniquemos contigo con fins de márketing. Se non desexas que contactemos máis con este fin, por favor, fai clic na ligazón da zona inferior do correo electrónico para desuscribirte.

Bases legais para procesar información persoal

Apoiámonos nunha ou máis das seguintes condicións para o procesamento:

  • o noso interese lexítimo en ofrecerche de xeito efectivo información e servizos;
  • Consentimento explícito que deches;
  • obrigacións legais

Acceso ós datos

Tes dereito a solicitar unha copia da información que temos almacenada sobre ti. Se queres unha copia dalgunha ou toda a túa informacón persoal, por favor segue as instrucións ao final desta política.

Todos os datos dos asistentes a unha WordCamp poden ser vistos e editados polo asistente a través do Token URL de acceso que se envía por correo electrónico para confirmar a compra dunha entrada.

As contas de WordPress.org pódense editar seguindo estes pasos:

  1. Visita https://login.wordpress.org/, e introduce o teu nome de usuario e contrasinal.
  2. Serás redirixido a https://profiles.wordpress.org/your_username.
  3. Fai clic na ligazón «Editar» que hai xunto ao teu nome de usuario.

Se che gustaría solicitar acceso aos datos da túa conta, por favor, segue estes pasos:

  1. Visita https://wordpress.org/about/privacy/data-export-request/.
  2. Introduce o teu enderezo de correo electrónico.
  3. Fai clic en «Acepto a declaración e solicito a exportación».

Nota: Se tes unha conta en WP.org, recoméndase que accedas antes do envío para asociar a túa conta á solicitude.

Retención da información persoal

Só gardaremos a túa información persoal nos nosos sistemas o tempo necesario, para garantir o éxito do proxecto de código aberto WordPress e os programas que apoian WordPress.org. Mantemos a información de contacto (como información de listas de correo) ata que un usuario se dá de baixa ou solicita que borremos a súa información dos nosos sistemas. Se decides darte de baixa dunha lista de correo, manteremos algunha información limitada sobre ti para que poidamos atender a túa solicitude.

WordPress.org non eliminará datos persoais de logs ou rexistros necesarios para o negocio, desenvolvemento ou arquivos do proxecto de código aberto WordPress.

WordPress.org debe manter os datos de asistentes a unha WordCamp durante 3 anos para seguir e promover o crecemento da comunidade, e despóis borra automáticamente os datos non esenciais recollidos no rexistro. Os nomes e direccións de correo electrónico dos asistentes conservaránse indefinidamente, para preservar a nosa posibilidade de responder a denuncias do código de conducta.

Nos sitios de WordCamp.org, os datos bancarios/financieiros recollidos como parte dunha solicitude de reembolso elimínanse de WordCamp.org 7 días despois de que a solicitude se marque como pagada. O motivo do período de conservación de 7 días é evitar que os organizadores teñan que volver a introducir os seus datos bancarios se falla unha transferencia ou se un pago se marcou como «Pagado» por erro. As facturas e recibos relacionados cos gastos de WordCamp consérvanse durante 7 anos tras o peche da auditoría do ano natural, por instrucións dos nosos asesores financieiros (auditores e contables).

Cando se solicita ou se require o borrado, anonimizaremos os datos dos suxeitos interesados e/ou eliminaremos a súa información de sitios publicamente accesibles se o borrado dos datos puidera romper sistemas esenciais ou danar os rexistros necesarios para o negocio, desenvolvemento ou arquivo do proxecto de código aberto WordPress.

Se queres solicitar o borrado da túa conta e os datos asociados a ela, por favor, segue estes pasos:

  1. Visita https://wordpress.org/about/privacy/data-erasure-request/.
  2. Introduce o teu enderezo de correo electrónico.
  3. Fai clic en «Acepto a declaración e solicito o borrado permanente da conta».

Nota: Se tes unha conta en WP.org, recoméndase que accedas antes do envío para asociar a túa conta á solicitude.

Dereitos relacionados coa túa información

É posible que teñas certos dereitos baixo as leis de protección de datos relacionados coa información persoal que gardamos sobre ti. En particular, podes ter dereito a:

  • solicitar unha copia da información persoal que temos sobre ti;
  • solicitarnos que actualicemos a información persoal que temos sobre ti, ou en todo caso corrixir aquela información persoal que creas que é incorrecta ou incompleta;
  • solicitar que eliminemos a información persoal que tenemos sobre ti dos sistemas activos, ou restrinxir a forma en que utilizamos dita información persoal (para obter información sobre a eliminación de arquivos, consulta a sección «Conservación de información persoal»);
  • opoñerte a que procesemos a túa información persoal; e/ou
  • retirar o teu consentemento para que procesemos a túa información persoal (smpre que ese procesamento se basee no consentemento e o consentemento sexa a única base permisible para o procesamento).

Se queres exercer estes dereitos ou saber se estes dereitos se aplican no teu caso, por favor segue as instrucións ao final deste manifesto de Privacidade.

Ligazóns externas

A nosa web pode conter ligazóns a outras páxinas web proporcionadas por terceiros que non están baixo o noso control. Ao seguir unha ligazón e proporcionar información a unha web de terceiros, ten en conta que non somos responsables dos datos proporcionados a ese terceiro. Esta política de privacidade só se aplica ás webs enumeradas ao principio deste documento, polo que cando visites outras webs, incluso cando fagas clic nunha ligazón publicada en WordPress.org, deberás ler as súas propias políticas de privacidade.

Estatísticas acumuladas

WordPress.org pode recompilar estatísticas sobre o comportamento dos visitantes nas súas webs. Por examplo, WordPress.org pode revelar cantas veces se descargou unha versión concreta de WordPress ou informar sobre que plugins son os máis populares, baseándose nos datos recollidos por api.wordpress.org, un servizo web utilizado polas instalacións de WordPress para buscar novas versións de WordPress e plugins. Sen embargo, WordPress.org non revela información de identificación persoal distinta á descrita nesta política.

Cookies

Ademais, a información sobre como utilizas a nosa web recompílase automaticamente mediante «cookies». As cookies son arquivos de texto que se almacenan no teu ordenador para recompilar información de rexistro estándar de Internet e información sobre o comportamento dos visitantes. Esta información utilízase para facer un seguimento do uso da web por parte dos visitantes e para elaborar informes estatísticos sobre a actividade da web.

Por favor, le  a nosa política de cookies para máis información sobre as cookies que se empregan en WordPress.org.

Cambios na política de privacidade

Anque é probable que a maioría dos cambios sexan menores, WordPress.org pode cambiar a súa política de privacidade de vez en cando, e á enteira discreción de WordPress.org. WordPress.org anima aos seus visitantes a consultar con frecuencia esta páxina para comprobar se se produciron cambios na súa política de privacidade. O uso continuado deste sitio despois de calquera cambio nesta política de privacidade constituirá a súa aceptación de dito cambio.

Contacto

Ten en conta que non podemos ofrecer axuda ou información sobre outras webs, incluídas aquelas que poden funcionar co software de código aberto WordPress, pero que están aloxados por terceiros.

Suxerímosche que te poñas en contacto directamente co propietario ou co autor do sitio. Para obter máis información sobre o aloxamento do sitio ou o rexistrador do dominio, podes utilizar estas ferramentas:

Por favor, contacta con nós se tes algunha pregunta sobre a nosa política de privacidade ou da información que tenemos sobre ti enviando un correo electrónico a dpo@wordpress.org.

Licenza Creative Commons