WordPress homenaxea
WordPress dedica esta páxina á memoria dos que perdemos. Deron forma ao noso proxecto e enriqueceron a nosa comunidade. Mentres lembramos a túa paixón e compromiso con WordPress e o software de código aberto, celebramos o teu espírito.
Para sempre nos nosos corazóns, o seu legado vive a través de cada liña de código e de cada usuario ao que afectaron.
Kim Parsell finou en 2015.
Kim era membro activa e moi querida da comunidade de WordPress. Coñecida cariñosamente como #wpmom, deixa tras de si un legado de servizo.
❦
Alex King finou en 2015.
Alex foi un dos desenvolvedores orixinais de WordPress. Axudou co que máis tarde se converteu no directorio de plugins e influiu enormemente no camiño cara os temas.
❦
Jesse Petersen finou en 2017.
Jesse era un valioso colaborador da comunidade de WordPress, desenvolvedor preferente de Genesis, desenvolvedor de temas e plugins e relator en WordCamp.
❦
Efraín Rivera finou en 2018.
Efraín foi membro da comunidade durante moito tempo, organizador e voluntario de WordCamp.
❦
Todrick Moore finou en 2018.
Todrick era membro da comunidade WordPress de Miami e organizador voluntario de WordCamp Miami 2015 e 2016.
❦
Alex Mills finou en 2019.
Alex era activo na comunidade de WordPress, contribuíndo a WordPress e escribindo plugins.
❦
Joseph Karr O’Connor finou en 2020.
Joseph foi un paciente e apaixonado defensor da accesibilidade de WordPress de 2013 a 2016. Apoiou a accesibilidade a través do ecosistema de WordPress, deixando un legado de tenrura para todos os usuarios e creadores de WordPress.
❦
David de Boer finou en 2020.
David era un valioso colaborador dos Países Baixos, querido e respetado na comunidade holandesa de WordPress. Falou en múltiples WordCamps e contribuíu a 2 plugins de pago moi populares.
❦
Ujwal Thapa faleceu en 2021.
Ujwal comezou e liderou numerosas iniciativas destacadas para a mellora da sociedade e das persoas; unha delas foi a co-fundación da comunidade WordPress Nepal.
❦
Puneet Sahalot finou en 2021.
Puneet era contribuidor do núcleo, organizador da comunidade de Meetup/Chapter de Udaipur, onde a súa entrega nas contribucións axudou a forxar unha atmósfera colaborativa e innovadora.
❦
Dan Beil finou en 2021.
Dan era un membro activo da comunidade WordPress de Minneapolis, e un querido amigo de moitos membros da comunidade WordPress en xeral. Dan participou con frecuencia no Grupo de Usuarios de WordPress de Minneapolis, foi organizador da WordCamp de Minneapolis e foi un prolífico relator en moitas WordCamps de EE.UU..
❦
Paolo Valenti finou en 2022.
Wolly foi o primeiro en traducir WordPress ao italiano. Axudou á xente a implicarse no equipo de Polyglots e na comunidade internacional, proporcionando xenerosamente dirección e apoio. As súas contribucións axudaron a dar forma á comunidade italiana tal e como é hoxe.
❦
José Luis Losada faleceu en 2023.
José Luis foi un membro excepcionalmente activo da comunidade española. Era imposible ir a unha WordCamp en España na que non colaborase como voluntario ou organizador
Esta homenaxe é mantida e xestionada por voluntarios. Para engadir unha homenaxe a un colaborador falecido, póñase en contacto connosco: memorials@wordpress.org