Descrición
Descobre a analítica conforme co RXPD con WP Statistics, a opción preferida polos usuarios de WordPress que buscan unha alternativa a Google Analytics. Sen contas externas, con seguimento ilimitado de visitantes e coa propiedade total dos datos, todo gardado directamente na túa base de datos de WordPress.
Proba a demostración | Ver capturas de pantalla
Conforme co RXPD (privacidade dos datos)
WP Statistics cumpre por defecto o RXPD, a CCPA, a PECR e a normativa de cookies.
- Non usamos cookies
- Por defecto non gardamos información de identificación persoal (PII)
- 100 % de propiedade dos datos. Os datos créanse e gárdanse integramente no teu servidor
- Mellora o hash das IP cun mecanismo de salt aleatorio diario
- Características para exportar e eliminar datos para o RXPD
- Respecto pola privacidade dos usuarios con Do Not Track (DNT)
- Ferramenta de auditoría da privacidade para cumprir as leis de privacidade
O teu sitio non precisará un aviso de cookies nunha ventá emerxente, xa que WP Statistics usa un seguimento sen cookies.
Podes atopar máis información en «What we collect».
Principais características
- Integración total co teu WordPress e coa estrutura do teu contido, con todos os informes no teu escritorio de WP
- Analítica de contido e categorías: fai un seguimento do rendemento baseado no contido e nas categorías do teu sitio.
- Panel de analítica sinxelo
- Seguimento da taxa de rebote: consulta a taxa de rebote de todo o sitio en Información de visitantes e a taxa de rebote por páxina no informe Páxinas de entrada, para detectar as páxinas que perden visitantes despois dunha única visualización de páxina.
- Moi doado de instalar. Non se precisan coñecementos técnicos nin de programación
- Axustes avanzados de privacidade dos datos personalizables segundo as túas necesidades, conforme con diversas leis de protección de datos
- Fai un seguimento dos parámetros de URL, incluídos os UTM, para analizar campañas
- Xestiona grandes cantidades de datos en webs con moito tráfico mediante axustes configurables
- Supervisa o tráfico de usuarios en liña en tempo real
- Páxina de panel de resumo totalmente personalizada
- Mostra as túas entradas e páxinas máis populares
- Seguimento de referencias: fai un seguimento e analiza as referencias con cinco informes: Visitantes referidos, Orixes de referencia, Motores de busca, Redes sociais e Categorías de orixe. O novo informe Categorías de orixe inclúe compatibilidade con Busca orgánica, Busca de pagamento, Social orgánico, Social de pagamento e moito máis.
- Lista as túas principais orixes de referencia, como os motores de busca
- Analítica de autores: mide o rendemento dos autores.
- Informes xeográficos: analítica baseada na localización, incluídos países, cidades, países europeos, estados dos EUA e rexións dentro do teu país.
- Informe de dispositivos: analítica específica por dispositivo que abrangue navegadores, sistemas operativos, categorías de dispositivos e modelos de dispositivos.
- Evitar os bloqueadores de anuncios: carga dinamicamente o script de seguimento cun nome e un enderezo únicos para evitar os bloqueadores de anuncios.
- Integración con WP Consent API: garante a compatibilidade con plugins de consentimento como Complianz e Cookiebot.
- Informes por correo electrónico con contido personalizable
- Personaliza o acceso baseado en perfís para ver a analítica e modificar os axustes.
- Filtrado e excepcións avanzados: por perfís de usuario, IP, países, URL e moito máis.
- Complemento Premium: Data Plus
- Seguimento de tipos de contido personalizados: DataPlus amplía o seguimento de WP Statistics para incluír todos os tipos de contido personalizados, ademais das entradas e as páxinas.
- Analítica de taxonomías personalizadas: ademais de supervisar as taxonomías por defecto, como as categorías e as etiquetas, DataPlus tamén fai un seguimento das taxonomías personalizadas.
- Rastrexador de ligazóns: descobre en que ligazóns saíntes fai clic a túa audiencia, o que che dá información sobre as súas preferencias e comportamentos.
- Rastrexador de descargas: fai un seguimento do que se descarga, de quen o descarga e de cando.
- Rendemento individual dos autores: métricas detalladas sobre o rendemento de cada autor.
- Analítica detallada para cada país: analítica en profundidade para cada país que mellora os informes xeográficos.
- E moito máis!
- Complemento Premium: Marketing
- Analítica de campañas: fai un seguimento das ligazóns etiquetadas con UTM e descobre que campañas atraen máis visitantes.
- Integración con Google Search Console: supervisa impresións, clics e consultas.
- Seguimento de eventos personalizados: crea obxectivos baseados en clics, visualizacións de páxina ou eventos e supervisa as conversións.
- Xerador de ligazóns UTM integrado: xera e valida URL de campañas dende o teu escritorio.
Aproveita ao máximo a analítica da túa web cos complementos Premium de WP Statistics
Mellora as túas ferramentas de analítica coa nosa gama de complementos premium, como Data Plus, Advanced Reporting, Real-Time Stats, Mini Chart, Marketing e moitos máis. Con estas potentes ferramentas é máis doado tomar decisións informadas.
Oferta especial: aforra ata un 60 % en todas as características premium ao mercar WP Statistics Premium.
Informar de erros
Tes problemas cun erro? Crea unha incidencia en GitHub. Ten en conta que GitHub é exclusivamente para informar de erros; as demais consultas pecharanse.
Para informar de vulnerabilidades de seguranza, faino a través do programa de divulgación de vulnerabilidades de Patchstack. O equipo de Patchstack validará, clasificará e xestionará calquera problema de seguranza.
Capturas
Instalación
- Sube
wp-statisticsao directorio/wp-content/plugins/. - Active o complemento a través do menú ‘Complementos’ en WordPress.
- Asegúrate de que a data e a hora están configuradas correctamente en WordPress.
- Vai á páxina de axustes do plugin e configúrao segundo precises (ten en conta que isto tamén inclúe descargar a base de datos GeoIP por primeira vez).
Preguntas frecuentes
-
Quen debería usar WP Statistics?
-
WP Statistics está deseñado para propietarios de webs, blogueiros, especialistas en márketing e analistas que desexan facer un seguimento e comprender o tráfico do seu sitio WordPress. É doado de usar e potente para os profesionais, pero tamén accesible para os principiantes.
-
Son necesarios coñecementos técnicos para usar WP Statistics?
-
Non, WP Statistics céntrase na sinxeleza. Non precisas coñecementos de programación para usalo. Podes instalar e usar o plugin directamente dende o escritorio de WordPress.
-
Afectará WP Statistics ao rendemento do meu sitio?
-
Os tempos de carga do teu sitio seguirán sendo rápidos con WP Statistics. Coa nosa páxina de axustes «Optimización» podes axustar como se xestionan os datos en sitios con moito tráfico, o que che proporciona as ferramentas para optimizar o rendemento.
-
Cumpre o RXPD?
-
Si, WP Statistics cumpre o RXPD por defecto. Podes atopar máis información en «What we collect».
-
Hai analítica dispoñible para páxinas individuais?
-
Faise un seguimento detallado de cada entrada, páxina e tipo de contido personalizado.
-
É compatible coa caché e as CDN?
-
WP Statistics é totalmente compatible con todos os plugins de caché e CDN.
-
Faise un seguimento dos usuarios conectados?
-
Por defecto, non. Porén, podes activar o seguimento dos usuarios conectados dende a páxina de axustes.
-
Podo usar WP Statistics e Google Analytics ao mesmo tempo?
-
Si, podes executar os dous ao mesmo tempo sen ningún problema.
-
Cóntanse as visitas dos bots?
-
Filtramos as visitas de bots mediante técnicas de boas prácticas. En comparación con Google Analytics, as túas visualizacións e visitantes son moi similares. O artigo «Enhancing Data Accuracy» pode axudarche a eliminar aínda máis bots.
-
Mostra WP Statistics a taxa de rebote?
-
Si. WP Statistics informa da taxa de rebote de todo o sitio en Información de visitantes e dunha taxa de rebote para cada páxina de entrada. A taxa de rebote é a proporción de visitas que rexistraron unha única visualización de páxina, onde unha visita é un visitante nun día. Non se precisa ningunha conta de Google Analytics.
-
Podo exportar os datos?
-
Os datos pódense exportar a arquivos XML, CSV ou TSV para copias de seguranza ou para informes.
-
Hai compatibilidade con multisitio?
-
WP Statistics é compatible coas instalacións de WordPress multisitio/rede. Na administración da rede podes ver a analítica combinada ou por separado para cada subsitio.
Comentarios
Colaboradores e desenvolvedores
“WP Statistics – Alternativa a Google Analytics sinxela e respectuosa coa privacidade” é un software de código aberto. As seguintes persoas colaboraron con este plugin.
Colaboradores
“WP Statistics – Alternativa a Google Analytics sinxela e respectuosa coa privacidade” foi traducido a 32 idiomas. Grazas aos desenvolvedores polas súas contribucións.
Interesado no desenvolvemento?
Revisa o código, bota unha ollada aorepositorio SVN, ou subscríbete ao log de desenvolvemento por RSS.
Rexistro de cambios
14.16.15 – 2026-10-01
- Enhancement: Hardened URL escaping in the filter dropdowns of the Referrals and Author Analytics reports.
- Enhancement: Removed the unused
tracker.min.jsfile. The tracker loadsjs/tracker.js.
14.16.14 – 2026-09-19
- Mellora: os puntos de conexión noai, html, lite e start de DuckDuckGo cóntanse agora como tráfico de busca de DuckDuckGo (incidencia #1142).
- Mellora: reforzouse o escapado das ligazóns nos informes da administración.
- Corrección: as visualizacións dos arquivos de taxonomía atribúense agora correctamente cando os ID do termo e da taxonomía son diferentes (incidencia #1139).
- Corrección: menos solicitudes repetidas á API de licenzas despois dun rexeitamento (incidencia #1123).
14.16.13 – 2026-09-05
- Corrección: corrixíronse as ligazóns dos informes en Analítica de categorías.
- Corrección: os filtros de data xa non provocan advertencias de PHP cando non se recoñece o nome do período (incidencia #1130).
- Corrección: o acceso á páxina de analítica e o selector de intervalo de datas funcionan agora correctamente para os perfís personalizados e as capacidades por usuario (incidencia #1126).
- Mellora: melloras internas e compatibilidade con PHP 8.5.
14.16.12 – 2026-08-31
- Mellora: reforzo xeral da seguranza e melloras internas.
14.16.11 – 2026-08-22
- Novidade: taxa de rebote en Información de visitantes e unha columna Taxa de rebote no informe Páxinas de entrada.
- Mellora: cálculo máis rápido da taxa de rebote. As taxas de rebote existentes por contido poden variar lixeiramente.
- Mellora: novo filtro
wp_statistics_online_visitors_timeframepara establecer durante canto tempo se considera que un visitante está en liña. - Mellora: escritorio de administración máis lixeiro para os usuarios sen acceso ás estatísticas.
- Corrección: as programacións dos informes por correo electrónico actualízanse agora cando cambia a frecuencia do informe.
- Mellora: probado ata WordPress 7.1.
14.16.10 – 2026-07-25
- Corrección: evitouse un erro fatal na solicitude de seguimento cando o parámetro de orixe de referencia se enviaba como un array en lugar dun único valor.
- Mellora: reforzo xeral da seguranza e melloras internas.
14.16.9 – 2026-07-21
- Corrección: Analítica de contido xa non engade a base histórica de todo o sitio ás visualizacións totais de cada entrada, polo que os totais por entrada volven ser precisos (incidencia #1097).
- Corrección: evitouse un erro fatal ao cargar a administración cando falla a validación da licenza ou a clave de licenza está baleira.
- Mellora: reforzouse a xestión das entradas de datos e o escapado da saída nos informes de visitantes e de referencias.
14.16.8 – 2026-05-19
- Mellora: reforzouse a xestión das entradas de datos nos puntos de conexión AJAX da administración, no construtor de consultas dinámicas, no fluxo de orixes de referencia e no URL de descarga de GeoIP.
- Mellora: eliminouse o moment.min.js incluído en favor da copia que inclúe o núcleo de WordPress.
- Mellora: engadíronse proteccións contra o acceso directo aos arquivos, cambiáronse as chamadas a date() por gmdate() e parse_url() pasa agora por wp_parse_url().
- Mellora: normalizáronse os marcadores de posición para tradutores e os dominios de texto; as cadeas traducidas da interface pasan agora polas funcións de escapado/kses.
- Mellora: substituíronse as chamadas directas a unlink() no código do plugin por wp_delete_file().
14.16.7 – 2026-05-12
- Mellora: reforzouse o escapado e a sanitización nos informes de dispositivos.
- Mellora: os puntos de conexión de seguimento envían agora cabeceiras noindex e no-cache para evitar «páxinas pantasma» en Google Search Console.
- Corrección: detivéronse as descargas en segundo plano de GeoLite2-City nos sitios con Cloudflare IP Geolocation (incidencia #1093).
- Corrección: «Bypass Ad Blockers» xa non copia o rastrexador en uploads, o que mellora a compatibilidade cos aloxamentos reforzados.
- Corrección: o botón Run Migration segue sendo clicable durante unha migración activa para recuperar as colas bloqueadas.
- Obsoleto: filtros
wp_statistics_hashed_asset_rootewp_statistics_hashed_asset_dir; eliminaranse nunha versión futura.
14.16.6 – 2026-04-16
- Corrección: eliminouse a integración herdada con TinyMCE que causaba erros «Failed to load plugin» no editor clásico, especialmente con temas como Corvix e Avada.
- Corrección: excluíronse as solicitudes de precarga e prerenderizado do navegador que inflaban o número de visitas.
- Corrección: excluíronse os navegadores sen interface e as ferramentas de automatización (Headless Chrome, PhantomJS, Puppeteer, Playwright, Selenium) que se contaban como visitantes reais.
14.16.5 – 2026-04-11
- Mellora: simplifícase a lóxica do nivel de consentimento de WP Consent API.
- Mellora: reforzo e mellora da seguranza do plugin
- Mellora: probado ata WordPress v7.0
- Corrección: corrixiuse un problema polo que o rastrexador de descargas/ligazóns non respectaba os axustes de exclusión por perfil de usuario (p. ex., Administrador), o que facía que se rexistrasen as descargas dos administradores a pesar de estaren excluídos.
14.16.4 – 2026-03-16
- Corrección: melloráronse as comprobacións de permisos nos xestores AJAX para unha maior seguranza.
- Mellora: actualizouse a biblioteca Device Detector (6.4.7 6.5.0) coas últimas regras de detección de navegadores, dispositivos e bots.
- Mellora: actualizáronse MaxMind DB Reader (1.12.1 1.13.1) e as bibliotecas GeoIP2.
14.16.3 – 2025-02-23
- Corrección: melloras menores e corrección da versión.
14.16.1 – 2025-02-09
- Corrección: corrixiuse un problema polo que os datos históricos non se incluían nos informes de contido/recurso individual.
- Corrección: mellorouse a compatibilidade con Bedrock cando WP Statistics está en mu-plugins, corrixindo o hash dos recursos e a resolución da ruta ofuscada do rastrexador.
- Corrección: corrixiuse un problema polo que o ID da páxina non se actualizaba correctamente durante a navegación con Interactivity API e as transicións de barba.js.
- Corrección: evítanse valores de porcentaxe infinitos ou extremadamente grandes cando non existen datos de analítica anteriores.
- Corrección: corrixiuse que o filtro «Todo o tempo» mostrase unha data de inicio incorrecta na analítica de contido individual.
- Corrección: corrixiuse que os indicadores de avisos se ocultasen ao ver a pestana Descartados baleira.
- Corrección: optimizouse a caché da API de licenzas para evitar solicitudes excesivas en sitios multilingües.
- Corrección: resolvéronse as chamadas SQL non seguras e os problemas de acceso directo aos arquivos para cumprir os requisitos de WordPress.org.
- Novidade: engadiuse a fila «Total» ao widget Resumo do tráfico, que mostra os visitantes e as visualizacións de sempre (inclúe os datos históricos herdados).
- Mellora: engadiuse a compatibilidade coa paxinación en Analítica de categorías.
- Mellora: unificáronse os botóns premium desactivados en todo o plugin para un aspecto coherente.
- Mellora: engadíronse os valores de configuración do contorno PHP (memory_limit, max_execution_time, post_max_size, upload_max_filesize) aos datos de uso anónimos.
- Mellora: actualizáronse os textos das ventás emerxentes premium de Advanced Reporting.
- Desenvolvemento: engadiuse o filtro
wp_statistics_register_background_jobspara permitir que os complementos rexistren procesos personalizados en segundo plano. - Desenvolvemento: engadiuse o filtro
wp_statistics_register_data_migrationspara permitir que os complementos rexistren claves personalizadas de migración de datos. - Desenvolvemento: engadiuse o filtro
wp_statistics_resolve_page_from_uripara permitir a resolución personalizada de páxinas a partir do URL para o seguimento de SPA.
14.16 – 2025-12-01
- Novidade: engadiuse un botón Exportar a todas as páxinas de informes (require o complemento Advanced Reporting).
- Novidade: introduciuse unha nova táboa
Summary Totalspara gardar datos agregados diarios, o que mellora o rendemento. - Mellora: probado ata WordPress v6.9.
- Mellora: actualizouse o requisito mínimo de PHP a v7.4 e o de WordPress a v6.6.
- Mellora: redeseñáronse os widgets de resumo en todas as páxinas de informes para un aspecto máis limpo e coherente.
- Mellora: optimizáronse as consultas á base de datos e mellorouse o rendemento xeral.
- Mellora: mellorouse o sistema de seguimento en liña eliminando as solicitudes heartbeat, o que reduce a carga do servidor e mellora o rendemento.
- Obsolescencia: eliminouse a opción Matomo Referrer Spam Blacklist dos axustes.
Para obter máis información sobre a actualización principal, visita a nosa entrada da versión ou segue a @wp_statistics en Twitter