WP Reset

Descrición

WP Reset restablece rapidamente a base de datos do sitio aos valores da instalación por defecto sen modificar ningún arquivo. Elimina todas as personalizacións e o contido, ou só partes escollidas como os axustes do tema. WordPress Reset é rápido e seguro de usar grazas ás instantáneas integradas, que ofrecen a función de restauración cun clic. Ten varios mecanismos de seguridade para que nunca perdas datos por accidente. WP Reset é extremadamente útil para quen desenvolve plugins e temas. Acelera as probas & a depuración ao ofrecer un xeito rápido de restablecer axustes e volver probar o código. É a única ferramenta de desenvolvemento de WP para persoas non desenvolvedoras que permite un restablecemento avanzado.

Tes problemas con spam, bots ou rastrexadores de IA? Bota un ollo ao noso plugin de Captcha gratuíto, usado en máis de 200.000 sitios.

Para obter soporte, usa o foro oficial e, se necesitas máis información, visita wpreset.com.

Accede á páxina de administración de WP Reset a través do menú «Ferramentas».

Le con atención antes de continuar para entender o que fai WP Reset e lembra crear sempre unha copia de seguridade ou unha instantánea.

O restablecemento eliminará:

• todas as entradas, páxinas, tipos de contido personalizados, comentarios, entradas de medios e usuarios
• todas as táboas da base de datos de WP por defecto
• todas as táboas personalizadas da base de datos que teñan o mesmo prefixo de táboa que o definido en wp-config.php e usado polas táboas por defecto

O restablecemento non eliminará nin modificará:

• arquivos multimedia: permanecen intactos no cartafol wp-uploads, pero xa non aparecerán en Medios no administrador
• non se toca ningún arquivo; plugins, temas, uploads: todo queda igual
• título do sitio, enderezo de WordPress, enderezo do sitio, idioma do sitio e axustes de visibilidade para motores de busca
• o usuario conectado actualmente restaurarase co nome de usuario e o contrasinal actuais

Que pasa cando fago clic no botón Restablecer?

• lembra crear sempre primeiro unha instantánea ou unha copia de seguridade completa
• terás que confirmar a acción unha vez máis porque NON SE PODE DESFACER
• restablecerase todo; consulta as viñetas anteriores para máis detalles
• restauraranse o título do sitio, o enderezo de WordPress, o enderezo do sitio, o idioma do sitio, os axustes de visibilidade para motores de busca e o usuario actual
• pecharase a túa sesión, iniciarase sesión automaticamente e levarante ao escritorio do administrador
• O plugin WP Reset reactivarase se se escolle esa opción nas opcións posteriores ao restablecemento

Desfacer un restablecemento

Antes de restablecer, crea unha instantánea. O botón está xusto ao lado do botón de restablecemento e crear unha instantánea leva menos de 10 segundos. Cando remate o restablecemento, se necesitas desfacelo, só tes que restaurar a instantánea e listo.

Compatibilidade con WP-CLI

WP Reset inclúe compatibilidade completa con WP-CLI. Podes obter axuda sobre os nosos comandos de WP-CLI mediante wp help reset. Por defecto, hai que confirmar os comandos, pero podes usar a opción --yes para omitir a confirmación. En lugar do usuario activo, restaurarase despois do restablecemento o primeiro usuario con privilexios de administrador que se atope na base de datos. Ten coidado ao usar WP Reset con WP-CLI: como ao usar a interface gráfica, crea sempre primeiro unha instantánea ou copia de seguridade.

Comandos de WP-CLI compatibles actualmente:

• wp reset reset
• wp reset version
• wp reset delete
• wp reset snapshots

Instantáneas da base de datos

Unha instantánea da base de datos é unha copia de todas as táboas da base de datos de WP, estándar e personalizadas, gardada na base de datos usada actualmente (segundo o establecido en wp-config.php). Os arquivos non se gardan nin se inclúen nas instantáneas de ningún xeito.
As instantáneas son principalmente unha ferramenta de desenvolvemento. Aínda que se poden usar como copias de seguridade (e descargar como volcados SQL comprimidos con gzip), suxerimos buscar unha ferramenta máis axeitada para facer copias de seguridade de sitios en produción. Usa as instantáneas para descubrir que cambios fixo un plugin na túa base de datos: que táboas personalizadas se crearon, modificaron ou eliminaron, ou que cambios se fixeron nos axustes do sitio. Ou úsaas para restaurar rapidamente o contorno de desenvolvemento despois de probar cambios relacionados coa base de datos.
Restaurar unha instantánea non afecta a outras instantáneas nin aos axustes de WP Reset. As instantáneas pódense comparar coas táboas actuais da base de datos, restaurar (sobrescribindo as táboas actuais), exportar como volcados SQL comprimidos con gzip ou eliminar. Crear unha instantánea nunha instalación media de WordPress leva 1-2 segundos.

Compatibilidade con multisitio (WP-MU)

WP Reset aínda non foi probado por completo con multisitio! Ten coidado ao usalo con multisitio activado. Non recomendamos restablecer o sitio principal. Os subsitios deberían estar ben. Estamos a traballar para que WP Reset sexa totalmente compatible con WP-MU. Ata entón, ten coidado. Grazas pola comprensión.

Ferramentas de restablecemento parcial

• Eliminar datos transitorios: elimina todas as entradas da base de datos relacionadas con datos transitorios, incluídos os caducados e os non caducados, e as entradas de tempo de espera orfas.
• Eliminar uploads: elimina todos os arquivos e cartafoles do cartafol /uploads/.
• Eliminar plugins: elimina todos os plugins excepto WP Reset, que permanece activo.
• Restablecer as opcións do tema: restablece todas as opcións de todos os temas que usan a API de theme mods de WP.
• Eliminar temas: elimina todos os temas.
• Baleirar ou eliminar táboas personalizadas: baleira (trunca) ou elimina (drop) todas as táboas personalizadas da base de datos.
• Eliminar o arquivo .htaccess: elimina o arquivo .htaccess. Se necesitas editar .htaccess sen FTP, usa o noso plugin gratuíto WP Htaccess Editor.

Compatibilidade coa RXPD

Non somos avogados. Non tomes nada do seguinte como asesoramento legal.
WP Reset non rastrexa, recolle nin procesa ningún dato de usuario na parte pública. Non se rexistra nada nin se envía a terceiros. Tampouco usamos servizos de terceiros nin CDN. Todas as accións realízanse no administrador e inícianse exclusivamente por petición das persoas usuarias. Se optas por activar a túa licenza PRO no plugin, compartiranse algúns datos con WebFactory Ltd; isto indícase claramente debaixo do formulario de activación da licenza. Con base niso, consideramos que é compatible coa RXPD, pero, de novo, non tomes isto como asesoramento legal.

Amizades que nos axudaron a traducir WP Reset

• Francés – Jeff Inho

Se tes problemas con SSL ou HTTPS, proba o noso plugin gratuíto WP Force SSL. É un gran plugin para activar SSL ou instalar SSL.