W3 Total Cache

Preguntas frecuentes

Por que importa a velocidade?

Os motores de busca como Google miden a velocidade das webs e téñena en conta no seu algoritmo de posicionamento. Cando recomendan un sitio, queren asegurarse de que os usuarios atopan rapidamente o que buscan. Así que, en realidade, ti e Google deberiades ter o mesmo obxectivo.

A velocidade é un dos factores de éxito máis importantes para as webs. De feito, a velocidade do teu sitio afecta directamente aos teus ingresos — é un feito. Algúns sitios con moito tráfico investigaron e descubriron o seguinte:

• Google.com: +500 ms (diminución da velocidade) -> -20% de perda de tráfico [1]
• Yahoo.com: +400 ms (diminución da velocidade) -> -5-9% de perda de tráfico de páxinas completas (o visitante marchou antes de que a páxina rematase de cargar) [2]
• Amazon.com: +100 ms (diminución da velocidade) -> -1% de perda de vendas [1]

Unha milésima de segundo non é moito tempo, pero o seu impacto é bastante significativo. Aínda que non sexas unha gran empresa (ou só esperes chegar a selo), unha perda segue a ser unha perda. W3 Total Cache é a túa solución para ter webs máis rápidas, visitantes máis contentos e mellores resultados.

Moitas das outras consecuencias dun rendemento deficiente descubríronse hai máis dunha década:

• Menor credibilidade percibida (Fogg et al. 2001)
• Menor calidade percibida (Bouch, Kuchinsky e Bhatti 2000)
• Aumento da frustración dos usuarios (Ceaparu et al. 2004)
• Aumento da presión arterial (Scheirer et al. 2002)
• Redución das taxas de fluxo (Novak, Hoffman e Yung 200)
• Redución das taxas de conversión (Akamai 2007)
• Aumento das taxas de saída (Nielsen 2000)
• Percíbense como menos interesantes (Ramsay, Barbesi e Preece 1998)
• Percíbense como menos atractivas (Skadberg e Kimmel 2004)

Hai unha serie de recursos que documentaron o papel do rendemento no éxito na web; W3 Total Cache existe para darche un marco co que axustar a túa aplicación ou sitio sen ter que facer anos de investigación.

Por que W3 Total Cache é mellor que outras solucións de caché?

É un marco completo. A maioría dos plugins de caché dispoñibles fan un gran traballo conseguindo un par de melloras de rendemento. Total Cache é diferente porque corrixe moitos aspectos que reducen o rendemento de calquera web. Vai máis alá do básico, alén de simplemente reducir o uso da CPU (a carga) ou o consumo de ancho de banda das páxinas HTML. Igual de importante é que o plugin non require modificacións no tema, modificacións no teu .htaccess (regras de mod_rewrite) nin compromisos de programación para comezar. E o máis importante, é o único plugin deseñado para optimizar todos os contornos de aloxamento prácticos, pequenos ou grandes. As opcións son moitas e a configuración é doada.

Nunca oín falar de nada disto; o meu sitio funciona ben e ninguén se queixa da velocidade. Por que debería instalar isto?

Os lectores rara vez se molestan en queixarse. Normalmente simplemente deixan de navegar antes do que che gustaría e poden non volver nunca. Este é o único plugin deseñado especificamente para asegurarse de que todos os aspectos do teu sitio son o máis rápidos posible. Google está a dar máis importancia á velocidade dun sitio como factor de posicionamento; este plugin tamén axuda niso.

A todos os propietarios de webs interésalles asegurarse de que o rendemento do seu sitio non está a prexudicar o seu éxito.

Que versións de WordPress son compatibles?

Para usar todas as características do paquete, precísase WordPress 6.0 ou superior con PHP 7.4 ou superior.

Por que non me funciona a minimización?

Boa pregunta. W3 Total Cache usa varias ferramentas de código aberto para tentar combinar e optimizar CSS, JavaScript, HTML, etc. Por desgraza, os desenvolvedores teñen que facer algunhas probas de ensaio e erro para asegurarse de que o seu código se pode minimizar correctamente coas diferentes bibliotecas que admite W3 Total Cache. Aínda así, mesmo se os desenvolvedores proban o seu código a fondo, non poden estar seguros da súa interoperabilidade co resto do código que poida ter o teu sitio. A culpa non é de ningunha das partes, porque hai miles de combinacións de plugins e temas que pode ter un sitio e, polo tanto, millóns de combinacións posibles de CSS, JavaScript, etc.

Unha boa regra xeral é probar o modo automático, traballar cun desenvolvedor para identificar o código que non é compatible e comezar co modo de só combinar (a optimización máis segura) e aumentar a optimización ata xusto antes de que se rompa a funcionalidade (JavaScript) ou a interface de usuario / deseño (CSS) do teu sitio.

Sempre estamos a traballar para facelo máis sinxelo e directo nas próximas versións, pero isto non é algo que poidamos conseguir sós. Cando atopes un plugin, tema ou arquivo que non sexa compatible coa minimización, ponte en contacto co desenvolvedor e pídelle que inclúa unha versión minimizada na súa distribución ou que se asegure de que o seu código é compatible coa minimización.

E os comentarios? Fai o plugin que os comentarios aparezan máis lentamente?

Pola contra, como con calquera outra acción que un usuario poida realizar nun sitio, un rendemento máis rápido fomentará que se faga máis. A caché reconstrúese na memoria tan rapidamente que non custa nada mostrarlles aos visitantes a versión máis actual dunha entrada que está a experimentar o efecto Digg, Slashdot, Drudge Report, Yahoo Buzz ou Twitter.

Interferirá o plugin con outros plugins ou widgets?

Non; pola contra, se usas os axustes de minimización, mellorarás varias veces o seu rendemento.

Funciona este plugin con WordPress en modo rede?

Efectivamente.

Funciona este plugin con BuddyPress (bbPress)?

Si.

Acelerará este plugin WP Admin?

Si, indirectamente. Se traballas con moitos redactores, notarás que parece que tes un servidor dedicado só a WP Admin unha vez activado este plugin; o resultado: máis produtividade.

Con que servidores web sodes compatibles?

Non coñecemos ningunha incompatibilidade con apache 1.3+, nginx 0.7+, IIS 5+ ou litespeed 4.0.2+. Se hai algún servidor web que creas que deberiamos probar activamente (por exemplo, lighttpd), gustaríanos sabelo.

É este plugin compatible con clústeres de servidores e balanceadores de carga?

Si, deseñouse desde cero tendo en conta a escalabilidade e os paradigmas de aloxamento actuais.

Para que serve a ferramenta «Importación da biblioteca multimedia» e como a uso?

A ferramenta de importación da biblioteca multimedia é para instalacións de WordPress antigas ou «desordenadas» que teñen adxuntos (imaxes, etc. en entradas ou páxinas) espallados polo servidor web ou «ligados directamente» (hotlinking) desde sitios de terceiros no canto de usar a biblioteca multimedia como corresponde.

A ferramenta explorará as túas entradas e páxinas en busca dos casos anteriores e copiaraos na túa biblioteca multimedia, actualizará as túas entradas para que usen os enderezos das ligazóns e xerará un arquivo .htaccess coa lista de redireccións permanentes, para que os motores de busca poidan atopar os arquivos na súa nova localización.

Deberías facer unha copia de seguridade da túa base de datos antes de realizar esta operación.

Como atopo o JS e o CSS para optimizalos (minimizalos) con este plugin?

Usa o botón «Axuda» dispoñible na pestana de axustes de minimización. Unha vez aberta, a ferramenta buscará e completará os arquivos CSS e JS usados en cada modelo do sitio para o tema activo. Para engadir despois un arquivo aos axustes de minimización, marca a caixa de verificación que hai xunto a ese arquivo. Tamén se pode indicar a localización de incrustación dos arquivos JS para mellorar o rendemento da renderización das páxinas. Os axustes de minimización de todos os temas instalados tamén se poden xestionar desde a ferramenta seleccionando o tema no menú despregable. Cando remates de configurar os axustes de minimización, fai clic no botón de aplicar e pechar e, despois, garda os axustes na pestana de axustes de minimización.

Non entendo que ten que ver unha CDN coa caché. É algo completamente diferente, non?

Tecnicamente non. Unha CDN é unha caché de alto rendemento que almacena recursos estáticos (os arquivos do teu tema, a biblioteca multimedia, etc.) en varias localizacións de todo o mundo para ofrecer un acceso con baixa latencia aos lectores desas rexións. Usa Total Cache para acelerar o teu sitio achegando o teu contido aos teus usuarios coas nosas moitas integracións de CDN, entre elas Cloudflare, StackPath, AWS e moitas máis.

Como uso unha CDN de tipo Origin Pull (espello)?

Inicia sesión no panel de control ou na área de xestión da conta do teu provedor de CDN. Seguindo os pasos de configuración que che indique, crea unha nova «pull zone» ou un novo «bucket» para o nome de dominio do teu sitio. Se o teu provedor ofrece un asistente de configuración ou consellos para solucionar problemas, non deixes de revisalos. Na pestana CDN do plugin, introduce o hostname que che deu o teu provedor de CDN no campo «Substitúe o hostname do sitio por». Sempre deberías facer unha comprobación rápida abrindo un arquivo de proba desde o hostname da CDN, por exemplo, http://cdn.domain.com/favicon.ico. Soluciona os problemas co teu provedor de CDN ata que esta proba teña éxito.

Agora vai á pestana «Xeral», marca a caixa de verificación e garda os axustes para activar a funcionalidade da CDN, e baleira a caché para que os cambios teñan efecto.

Como configuro Amazon Simple Storage Service (Amazon S3) ou Amazon CloudFront como a miña CDN?

Primeiro, crea unha conta de S3 (a menos que uses origin pull); as credenciais da túa conta poden tardar varias horas en funcionar. A continuación, tes que obter o teu «Access key ID» e a túa «Secret key» na sección «Access Credentials» da páxina «Security Credentials» de «My Account». Asegúrate de que o estado é «active». A continuación, asegúrate de que «Amazon Simple Storage Service (Amazon S3)» é o «Tipo de CDN» seleccionado na pestana «Axustes xerais» e garda os cambios. Agora, na pestana «Axustes de Content Delivery Network», introduce a túa «Clave de acceso» e a túa «Clave secreta», e introduce un nome (evita os caracteres especiais e os espazos) para o teu bucket no campo «Crear un bucket» facendo clic no botón do mesmo nome. Se usas un bucket existente, só tes que indicar o seu nome no campo «Bucket». Fai clic no botón «Proba de subida a S3» e asegúrate de que a proba ten éxito; se non, revisa os teus axustes e téntao de novo. Garda os teus axustes.

A menos que queiras usar CloudFront, xa case remataches; se usas CloudFront, salta ao seguinte parágrafo. Vai á pestana «Axustes xerais», marca a caixa de verificación «Activar» e garda os axustes para activar a funcionalidade da CDN. Baleira a caché para que os cambios teñan efecto. Se o modo de vista previa está activo, terás que «despregar» os cambios para que teñan efecto.

Para usar CloudFront, realiza todos os pasos anteriores, pero selecciona «Amazon CloudFront» como «Tipo de CDN» na sección «Content Delivery Network» da pestana «Axustes xerais». Ao crear un bucket novo, o ID da distribución completarase automaticamente. Se non, vai á AWS Management Console e crea unha distribución nova: selecciona como «Origin» o bucket de S3 que creaches antes e introduce un CNAME se queres engadir un ou máis á túa zona DNS. Asegúrate de que «Distribution Status» está activado e de que «State» está despregado. Agora, na pestana «Content Delivery Network» do plugin, copia o subdominio que aparece na AWS Management Console e introduce o CNAME usado para a distribución no campo «CNAME».

Opcionalmente, podes indicar ata 10 hostnames para usar no canto do hostname por defecto; con isto mellorarás o rendemento da renderización das páxinas do teu sitio. Os hostnames adicionais tamén se deben indicar nos axustes da distribución que esteas a usar na AWS Management Console.

Agora vai á pestana «Xeral», marca a caixa de verificación «Activar» e garda os axustes para activar a funcionalidade da CDN, e baleira a caché para que os cambios teñan efecto. Se o modo de vista previa está activo, terás que «despregar» os cambios para que teñan efecto.

Como configuro Rackspace Cloud Files como a miña CDN?

Primeiro, crea unha conta. A continuación, na sección «Content Delivery Network» da pestana «Axustes xerais», selecciona Rackspace Cloud Files como «Tipo de CDN». Agora, na sección «Configuración» da pestana «Content Delivery Network», introduce nos campos correspondentes o «Nome de usuario» e a «Clave da API» asociados á túa conta (atópalos na sección API Access do panel de control de Rackspace Cloud). A continuación, introduce un nome para o contedor que vas usar (evita os caracteres especiais e os espazos). Se a operación ten éxito, o ID do contedor aparecerá automaticamente no campo «Substitúe o hostname do sitio por». Opcionalmente, se queres, podes indicar o nome e o ID dun contedor existente. Fai clic no botón «Proba de subida a Cloud Files» e asegúrate de que a proba ten éxito; se non, revisa os teus axustes e téntao de novo. Garda os teus axustes. Xa podes exportar a túa biblioteca multimedia, o tema e calquera outro arquivo á CDN.

Opcionalmente, podes indicar ata 10 hostnames para usar no canto do hostname por defecto; con isto mellorarás o rendemento da renderización das páxinas do teu sitio.

Agora vai á pestana «Xeral», marca a caixa de verificación «Activar» e garda os axustes para activar a funcionalidade da CDN, e baleira a caché para que os cambios teñan efecto. Se o modo de vista previa está activo, terás que «despregar» os cambios para que teñan efecto.

Para que serve o botón «Modificar URLs de adxuntos»?

Se cambiou o nome de dominio do teu sitio, esta ferramenta é útil para actualizar as túas entradas e páxinas para que usen os enderezos actuais. Por exemplo, se o teu sitio antes era www.domain.com e decidiches cambialo a domain.com, o resultado serían moitas imaxes «rotas» ou moitas redireccións innecesarias (que fan máis lenta a navegación dos visitantes). Podes usar esta ferramenta para corrixir este caso e outros similares. Corrixir os URL das túas imaxes tamén permite que o plugin determine mellor que imaxes están realmente aloxadas na CDN.

Como sempre, nunca está de máis facer primeiro unha copia de seguridade da túa base de datos.

É este plugin compatible con TDO Mini Forms?

O captcha e o reCAPTCHA funcionarán ben, pero terás que evitar que se almacene na caché calquera páxina con formularios. Engade o URI da páxina á caixa «Nunca cachear as seguintes páxinas» da pestana de axustes da caché de páxinas.

É este plugin compatible con GD Star Rating?

Si. Segue estes pasos:

1. Activa a carga dinámica das puntuacións marcando GD Star Rating -> Settings -> Features «Cache support option»
2. Se a caché da base de datos está activada en W3 Total Cache, engade wp_gdsr ao campo «Subconsultas ignoradas» da pestana de axustes da caché da base de datos; se non, as puntuacións non se actualizarán despois de votar
3. Baleira todas as cachés

Vexo caracteres estraños no canto da web normal. Que está a pasar?

Se un tema ou os seus arquivos usan a chamada php_flush() ou a función flush(), isto interferirá co funcionamento normal do plugin e fará que envíe os arquivos da caché antes de que rematen operacións esenciais. A chamada flush() xa non é necesaria e debería eliminarse.

Como almaceno na caché só a páxina de inicio?

Engade /.+ á opción «Nunca cachear as seguintes páxinas» da pestana de axustes da caché de páxinas.

Aparecen páxinas en branco ou códigos de erro 500 ao tentar actualizar WordPress en modo rede

Primeiro, asegúrate de que o plugin non está activo (desactivado) en toda a rede. Despois, asegúrate de que está desactivado en toda a rede. Agora deberías poder actualizar sen problemas e sen estragar o teu sitio.

Aparece un aviso sobre o propietario do arquivo xunto cun formulario FTP. Como podo resolvelo?

O plugin usa a funcionalidade FileSystem de WordPress para escribir nos arquivos. Comproba se o propietario e o grupo propietario dos arquivos creados coinciden co propietario do proceso. Se non é así, non pode escribir nin modificar arquivos.

Normalmente, deberías informar a túa empresa de aloxamento web do problema de permisos, e debería poder resolvelo.

Porén, podes probar a engadir define(‘FS_METHOD’, ‘direct’); a wp-config.php para evitar as comprobacións de arquivos e cartafoles.

A extensión Image Converter usa moitos recursos para converter as imaxes a formatos modernos como WebP ou AVIF?

Non. A extensión Image Converter converte formatos de imaxe habituais a formatos modernos como WebP ou AVIF usando os servizos da nosa API. As conversións fanse no noso servizo de API, polo que o uso de recursos non afecta ao servidor da túa web.

A API de Total Cache Image Converter conserva os datos das imaxes?

Os datos de imaxe que recibe a nosa API destrúense despois de xerar a imaxe convertida. As imaxes convertidas destrúense en canto o plugin Total Cache as recolle ou descarga na túa web.

Isto é demasiado bo para ser certo. Como podo probar os resultados?

Poderás ver os resultados ao momento en cada carga de páxina, pero para ter métricas concretas deberías usar as seguintes ferramentas:

• Google PageSpeed
• Informe de Core Web Vitals de Google Search Console
• WebPagetest
• Pingdom
• GTmetrix

Non teño tempo para ocuparme disto, pero sei que o necesito. Axudarédesme?

Si! Ponte en contacto connosco e axudarémosche a adaptarte para que poidas «configuralo e esquecerte».

Instala o plugin para ler as FAQ completas na pestana FAQ do plugin.

Onde informo dos erros de seguridade atopados neste plugin?

Informa dos erros de seguridade atopados no código fonte do plugin W3 Total Cache a través do Patchstack Vulnerability Disclosure Program. O equipo de Patchstack axudarate coa verificación e a asignación do CVE, e avisará os desenvolvedores deste plugin.