Descrición
Potencia a túa web con táboas cheas de características que encantarán aos teus visitantes!
TablePress é o plugin de táboas para WordPress máis popular e mellor valorado.
- Crea, edita e xestiona facilmente táboas de datos atractivas e modernas, desde simples listas de prezos ata directorios con busca, táboas de produtos e modelos, inventarios, horarios e conxuntos de datos de investigación.
- Engade ordenación, paxinación, busca en directo e outras características interactivas que axudan os visitantes a atopar o que buscan en calquera dispositivo.
- Usa calquera tipo de datos e enriquece as túas táboas con imaxes, ligazóns e mesmo fórmulas matemáticas.
- Importa e exporta táboas desde/a arquivos ou URL de Excel, CSV, HTML e JSON, incluídos os datos de follas de cálculo de Google Sheets, Excel Online e arquivos gardados en Dropbox ou OneDrive.
- Incrusta táboas en entradas, páxinas ou outras áreas do sitio co editor de bloques, un widget de Elementor ou shortcodes.
- Todo sen necesidade de saber programar!
Hai aínda máis características fantásticas para ti e para os visitantes do teu sitio e soporte prioritario por correo electrónico dispoñibles cun plan de licenza Premium de TablePress. Bótalles unha ollada!
Casos de uso habituais
TablePress xestiona unha gran variedade de táboas, desde simples listas de prezos ata directorios con busca e grandes conxuntos de datos. Entre os exemplos máis populares están:
- Táboas de produtos e modelos
- Listas de servizos e prezos
- Directorios e listaxes
- Calendarios e horarios
- Listas de participantes e membros
- Inventarios e coleccións
- Táboas comparativas
- Datos de investigación e estatísticos
Táboas accesibles e optimizadas para o SEO
TablePress crea táboas HTML accesibles cuxo contido poden buscar tanto os visitantes como a busca de WordPress e os motores de busca. As características interactivas como a ordenación, o filtrado e a paxinación inclúen melloras de accesibilidade para lectores de pantalla e outras tecnoloxías de asistencia.
Isto facilita que os visitantes atopen información relevante, xa estean a explorar un directorio grande, a buscar nunha táboa de produtos ou a usar a función de busca do teu sitio.
Máis información
Visita tablepress.org para máis información, bota unha ollada ás táboas de exemplo ou proba TablePress nun sitio de probas gratuíto. Para ver as últimas novidades, segue a @TablePress en Twitter/X ou subscríbete ao boletín de TablePress.
Como usar TablePress
Despois de instalar o plugin, podes crear e xestionar táboas na pantalla «TablePress» do escritorio de WordPress.
Para inserir unha táboa nunha entrada ou páxina, engade un bloque «Táboa de TablePress» no editor de bloques ou un widget no maquetador de páxinas Elementor e selecciona a táboa desexada, ou usa shortcodes con outros maquetadores de páxinas.
Titoriais, guías e instrucións paso a paso pensados para principiantes amosan como realizar tarefas habituais e populares con TablePress.
Podes atopar exemplos de cambios de estilo habituais mediante código de «CSS personalizado» na páxina de FAQ de TablePress.
Tamén podes engadir características como ordenación, paxinación, busca, filtrado, cores de fila alternas, resaltado de filas e moito máis activando as opcións correspondentes na pantalla «Editar» dunha táboa.
Características premium
Necesitas funcionalidades adicionais para táboas máis grandes ou casos de uso avanzados? Os plans de licenza Premium de TablePress engaden características como:
- Opcións para táboas adaptables
- Filtrado e busca avanzados
- Cabeceiras e columnas de táboa fixas
- Importacións periódicas automáticas
- Opcións de estilo personalizado
- E moito máis
Tamén inclúe soporte prioritario por correo electrónico. Consulta os detalles na web de TablePress.
Capturas
Blocks
Este plugin proporciona 1 bloque.
- TablePress table Embed a TablePress table.
Instalación
A forma máis sinxela de instalar TablePress é desde o escritorio de WordPress:
- Vai á pantalla «Plugins», fai clic en «Engadir plugin» e busca «TablePress» no directorio de plugins de WordPress.
- Fai clic en «Instalar agora» e, cando remate, fai clic en «Activar».
- Crea e xestiona táboas na pantalla «TablePress» do menú de administración.
- Para inserir unha táboa nunha entrada ou páxina, engade un bloque «Táboa de TablePress» no editor de bloques ou un widget no maquetador de páxinas Elementor e selecciona a táboa desexada, ou usa shortcodes con outros maquetadores de páxinas.
A instalación manual funciona igual que para outros plugins de WordPress:
- Descarga o arquivo ZIP de TablePress.
- Vai á pantalla «Plugins» do teu sitio e súbeo facendo clic en «Engadir plugin» «Subir plugin».
- Ou extrae o arquivo ZIP e move o cartafol «tablepress» ao directorio «wp-content/plugins/» da túa instalación de WordPress, por exemplo mediante FTP.
- Activa «TablePress» na pantalla «Plugins» do escritorio de WordPress.
- Crea e xestiona táboas na pantalla «TablePress» do menú de administración.
- Para inserir unha táboa nunha entrada ou páxina, engade un bloque «Táboa de TablePress» no editor de bloques ou un widget no maquetador de páxinas Elementor e selecciona a táboa desexada, ou usa shortcodes con outros maquetadores de páxinas.
Preguntas frecuentes
-
Onde podo atopar respostas ás preguntas frecuentes?
-
Moitas preguntas sobre as distintas características ou o estilo xa se responderon na páxina de FAQ e na extensa documentación do plugin TablePress na web de TablePress.
-
Soporte?
-
Soporte premium
Os usuarios cun plan de licenza Premium de TablePress activo teñen dereito a soporte prioritario por correo electrónico, directamente do desenvolvedor do plugin! Máis información!
Soporte da comunidade para os usuarios da versión gratuíta
Para preguntas de soporte, informes de fallos ou solicitudes de características, usa os foros de soporte de WordPress. Busca primeiro nos foros e crea un novo debate só se non atopas unha resposta existente. Grazas!
-
Requisitos?
-
En resumo: WordPress 6.7 ou superior, aínda que sempre se recomenda a última versión de WordPress. Ademais, o servidor debe executar PHP 7.4 ou superior.
-
Idiomas e localización?
-
TablePress usa a plataforma «Translate WordPress». Consulta a barra lateral da páxina de TablePress no directorio de plugins de WordPress para ver as traducións dispoñibles.
Para que TablePress estea dispoñible no teu idioma, vai á páxina de traducións de TablePress, inicia sesión cunha conta gratuíta de wordpress.org e comeza a traducir.
-
Desenvolvemento
-
Podes seguir máis de preto o desenvolvemento de TablePress no seu repositorio oficial de GitHub.
-
Onde informo dos problemas de seguridade?
-
Informa dos problemas de seguridade e dos fallos atopados no código fonte de TablePress a través do Patchstack Vulnerability Disclosure Program.
O equipo de Patchstack axudarache coa verificación e a asignación do CVE e avisará o desenvolvedor de TablePress. -
Onde podo obter máis información?
-
Visita a web do plugin en tablepress.org para ver as últimas novidades sobre TablePress, segue a @TablePress en Twitter/X ou subscríbete ao boletín de TablePress.
Comentarios
Colaboradores e desenvolvedores
“TablePress – Tables in WordPress made easy” é un software de código aberto. As seguintes persoas colaboraron con este plugin.
Colaboradores
“TablePress – Tables in WordPress made easy” foi traducido a 42 idiomas. Grazas aos desenvolvedores polas súas contribucións.
Traduce “TablePress – Tables in WordPress made easy” ao teu idioma.
Interesado no desenvolvemento?
Revisa o código, bota unha ollada aorepositorio SVN, ou subscríbete ao log de desenvolvemento por RSS.
Rexistro de cambios
Os cambios das versións recentes amósanse a continuación. Para cambios anteriores, consulta o historial do rexistro de cambios.
Versión 3.4 (30 de setembro de 2026)
TablePress 3.4 é unha actualización de características, estabilidade, mantemento e compatibilidade. Estas son as novidades máis destacadas:
Nova barra de ferramentas do editor de táboas na pantalla «Editar»
A nova barra de ferramentas do editor de táboas pon todas as características de edición xusto onde as necesitas. A roda de scroll do rato xa pode descansar: acabaron os tempos de ir e volver entre as seccións Contido da táboa e Manipulación da táboa. Xa non imos ser quen de vivir sen ela.
- A barra de ferramentas queda fixa na parte superior da pantalla para que estea sempre dispoñible mentres a túa táboa estea á vista.
- Tamén ofrece acceso rápido a operacións como Desfacer/Refacer ou Cortar/Copiar/Pegar, que ata agora só estaban dispoñibles a través do menú contextual do botón dereito.
- Ao pasar o cursor sobre un botón móstrase o seu nome e o seu atallo de teclado para editar aínda máis rápido!
Entre bastidores
- Varias modernizacións do código, eliminación de código herdado obsoleto e optimizacións para mellorar o rendemento.
- Corrixíronse e melloráronse varios fallos e incoherencias menores!
- Limpouse e simplificouse o código para facilitar o mantemento futuro, seguir os estándares de codificación de WordPress e ofrecer documentación integrada útil.
- Actualizáronse varias bibliotecas de código externas e ferramentas de compilación para aproveitar melloras e correccións de fallos.
Versións premium
- Hai aínda máis características fantásticas para ti e para os visitantes do teu sitio, e soporte prioritario por correo electrónico, dispoñibles cun plan de licenza Premium de TablePress. Bótalles unha ollada!