SiteOrigin CSS

Descrición

SiteOrigin CSS é o editor de CSS intuitivo e potente deseñado para impulsar a personalización do teu sitio WordPress. Goza dunha experiencia de edición fluída con controis visuais en tempo real, que facilitan axustar ao instante o aspecto do teu sitio. Tanto se es principiante como se es un programador avanzado, SiteOrigin CSS ten o que precisas.

Para principiantes, os nosos controis visuais fáciles de usar e as vistas previas en directo eliminan as dúbidas da edición de CSS. Mira os cambios a medida que os fas e asegúrate de que o teu sitio ten exactamente o aspecto que imaxinas. Para usuarios avanzados, ofrecemos un completo autocompletado de código que acelera o teu fluxo de traballo e fai que escribir CSS sexa máis rápido e eficiente que nunca. Toma o control total do deseño do teu sitio con SiteOrigin CSS e dálle vida á túa visión creativa.

Inspector

O máis difícil de editar o deseño do teu sitio con CSS adoita ser atopar o selector correcto. O potente inspector que inclúe SiteOrigin CSS faino fácil. Mentres ves unha vista previa completa do teu sitio, só tes que facer clic nun elemento e axudarache a identificar o mellor selector para seleccionalo.

O inspector axudarate aínda que non teñas nin idea de que é un selector de CSS.

Editor visual

Non che gusta xogar co código? Non hai problema. SiteOrigin CSS ten un conxunto de controis sinxelos que facilitan elixir cores, estilos e medidas. Combinados co inspector, poderás facer cambios con só uns clics.

Editor CSS

SiteOrigin CSS ten un potente editor de CSS, como os que normalmente só esperarías atopar en IDE de gama alta. Ten autocompletado tanto para selectores como para atributos de CSS. Tamén inclúe un útil linting de CSS que che axuda a identificar problemas no código antes de publicar os cambios.

É gratuíto

Comprometémonos a manter SiteOrigin CSS gratuíto. Podes instalalo en tantos sitios como queiras sen preocuparte nunca polas licenzas. Todas as futuras actualizacións e melloras serán gratuítas, e ata ofrecemos soporte gratuíto nos nosos foros de soporte.

Funciona con calquera tema

Hai unha colección en constante crecemento de temas de WordPress incribles, e agora con SiteOrigin CSS podes editar cada un deles ao teu gusto. Non importa o tema que uses, SiteOrigin CSS funcionará perfectamente.

Desenvolvemento activo

Estamos a desenvolver activamente SiteOrigin CSS. Segue o que acontece en GitHub.

Documentación

Hai documentación dispoñible en SiteOrigin.

Soporte

Hai soporte gratuíto nos foros de soporte de SiteOrigin.

SiteOrigin Premium

SiteOrigin Premium mellora SiteOrigin CSS cun selector de tipos de letra web de Google. Elixe entre centos de fermosos tipos de letra web directamente no editor visual.

SiteOrigin Premium inclúe acceso ao noso servizo profesional de soporte por correo electrónico, ideal para cando precisas soporte técnico rápido e eficaz. Estamos preparados para axudarte en todo o que poidamos.