Descrición
«Gutenberg» é o nome usado para referirse a un novo paradigma para crear con WordPress, cuxo obxectivo é revolucionar a experiencia de publicación do mesmo xeito que Johannes Gutenberg fixo no mundo da imprenta. O proxecto consiste en catro fases que tocarán distintas áreas de WordPress: edición, personalización, colaboración, e multilinguaxe.
Despois de introducir a edición de entradas con bloques en decembro de 2018, Gutenberg engadiu a edición completa do sitio (FSE) en 2021, que foi parte de WordPress 5.9 a comezos de 2022.
Que fai Gutenberg?
Gutenberg é o «editor de bloques» de WordPress, e introduce unha aproximación modular para modificares o teu sito ao completo. Edita bloques individuais de contido en entradas e páxinas. Engade e axusta widgets. Incluso podes deseñar as cabeceiras, pés de páxina e menús de navegación usando as características da edición completa do sitio.
Cada peza de contido no editor, desde un parágrafo a unha galería ou un encabezado, é o seu propio bloque. Ao igual que os bloques físicos, os bloques de WordPress poden ser engadidos, movidos, editados ou borrados, permitindo os usuarios crear contido multimedia e diversas disposicións do sitio dun xeito intuitivo — sen ter que usar shortcodes ou código HTML e PHP personalizado.
Estamos sempre a traballar para perfeccionar a experiencia, creando máis e mellores bloques e poñendo as bases das futuras fases do plan. Cada nova versión de WordPress inclúe as características estábeis do plugin Gutenberg, polo que non é necesario instalalo para beneficiarse de todo o que ofrece.
Acceso anticipado
Eres unha persoa con coñecementos técnicos que gusta de probar as últimas características experimentais? Non che importa xogar coas novas características que están aínda en desenvolvemento activo? De ser así, este plugin beta darache acceso ás últimas características que Gutenberg está a implementar para os bloques e a edición completa do sitio, así como unha mostra do que estar por vir.
Buscanse colaboradores
Para as persoas aventureiras e as que saben moverse coa tecnoloxía, o plugin Gutenberg ofrece as últimas e mellores características. Podes unirte probándoas e usándoas, xogando cos bloques, e pode que nalgún momento te animes a colaborar ou a crear os teus propios bloques.
Descubrir máis
-
Documentación de usuario: Revisa a documentación do editor de WordPress para instrucións detalladas sobre o uso do editor como autor para crear entradas, páxinas, e máis.
-
Documentación para desenvolvedores: explora a documentación para desenvolvedores (inglés) para tutoriais extensivos, documentación, e referencias das API sobre como extender o editor.
-
Colaboradores: Gutenberg é un proxecto de software libre e ten cabida para todo tipo de colaboradores, de código a deseño, de documentación a triaxe. No manual dos colaboradores podes ver como axudar.
O centro de desenvolvemento do proxecto Gutenberg é https://github.com/wordpress/gutenberg. As conversas sobre o proxecto son mantidas no sitio «Make Core» e na canle de Slack #core-editor, incluíndo as reunións semanais. Se non tes unha conta de Slack, podes darte de alta aquí.
Preguntas frecuentes
-
Como podo enviar suxestións ou pedir axuda sobre un erro?
-
O mellor lugar para informar de fallos, suxerir novas características, ou calquera outra idea é a páxina de tarefas no GitHub de Gutenberg. Antes de enviar unha nova, busca nas existentes e comproba que non fose xa suxerida por outras persoas.
Aínda que intentamos facer triaxe de tódalas suxestións enviadas no foro do plugin, obterás unha resposta máis rápida (e non se duplicará esforzo) se mantemos as conversacións centralizadas no GitHub.
-
Onde podo informar de erros de seguridade?
-
O equipo de Gutenberg e a comunidade de WordPress tómanse os erros de seguridade en serio. Apreciamos o teu esforzo para divulgar os teus achados, e faremos todo o posible para recoñecer as túas contribucións.
Para informar dun problema de seguridade, visita o programa WordPress HackerOne.
-
Teño que usar Gutenberg para ter acceso a estas características?
-
Non necesariamente. Cada versión de WordPress posterior á 5.0 inclúe funcións do plugin Gutenberg, que se coñecen colectivamente como Editor de WordPress. É probable que xa te esteas beneficiando das características estables.
Mais de quereres desfrutar das últimas características experimentais, terás que usar o plugin. Podes ler máis aquí para decidires si o plugin é o que necesitas.
-
Como podo saber que versións de Gutenberg están incluidas en cada versión de WordPress?
-
O documento versións en WordPress (inglés) mostra que versións de Gutenberg están incluidas en cada versión de WordPress.
-
Que é o seguinte para o proxecto?
-
As catro fases do proxecto son edición, personalización, colaboración, e multilingüismo. Podes coñecer máis sobre o proxecto e as distintas fases nas presentacións de «State of the Word» de Matt en 2021, 2020, 2019, e 2018. Adicionalmente, podes seguir as notas quincenais da publicación do plugin e as actualizacións mensuais do plan no sitio «Make Core» para información máis detallada sobre o que está a acontecer agora mesmo.
-
Onde poido ler máis sobre Gutenberg?
-
- Gutenberg, ou o Barco de Teseo, con exemplos do que Gutenberg podería facer no futuro
- Panorama do editor técnico
- Principios de deseño e mellores prácticas de deseño de bloques
- Procesador de corrección gramatical de publicación de WP
- Actualizacións do desenvolvemento en make.wordpress.org
- Documentación: Creación de bloques, referencias e guías
- Cuestións frecuentes adicionais
Comentarios
Colaboradores e desenvolvedores
“Gutenberg” é un software de código aberto. As seguintes persoas colaboraron con este plugin.
Colaboradores
“Gutenberg” foi traducido a 55 idiomas. Grazas aos desenvolvedores polas súas contribucións.
Traduce “Gutenberg” ao teu idioma.
Interesado no desenvolvemento?
Revisa o código, bota unha ollada aorepositorio SVN, ou subscríbete ao log de desenvolvemento por RSS.
Rexistro de cambios
Para ler o rexistro de cambios da última versión de Gutenberg, por favor, vai á páxina da versión.