GlotPress

Descrición

Moitos proxectos de código aberto abarcan rexións, países e dialectos e necesitan ser compatibles cunha variedade de traducións. GlotPress está aquí para axudarche a colaborar online cos teus tradutores para garantir que os teus usuarios vexan o teu software no seu idioma nativo.

GlotPress ten dúas versións, unha versión independente e esta versión de plugin para WordPress. Agora, estas dúas versións son funcionalmente similares, pero é probable que, en futuras versións, a versión de plugin comece a alonxarse da versión independente. Para o resto deste documento, calquera referencia a «GlotPress» referirase ao plugin.

Para máis información sobre GlotPress, non dubides en visitar as canles listadas a continuación na sección «Comunicación».

Entón, quen debería usar GlotPress?

Calquera desenvolvedor de software que use «gettext», como os autores de temas e plugins para WordPress. Pero ese é só o comezo, calquera que use un sistema baseado en gettext pode usar GlotPress para axudar aos seus tradutores a colaborar.

Este plugin non sería posible sen todo o duro traballo que se realizou na versión independente de GlotPress e queremos dar as grazas a todos os que contribuiron a el.

Soporte

Para preguntas básicas de soporte, por favor, usa os foros de soporte de WordPress.org.

Se tes un fallo ou queres solicitar unha característica, por favor, visita a lista de problemas para axudar a melloralo no futuro.

Se che gustaría traballar en algo e actualmente non hai aberto un problema para elo, abre un novo problema e describe o cambio que propós antes de empezar a escribir código.

Comunicación

• Repositorio en GitHub
• Blog
• Slack de WordPress: #glotpress (só para desenvolvemento)