Simple Custom CSS and JS

Preguntas frecuentes

Que pasa se quero engadir varios códigos CSS externos?

Se escribes varios códigos do mesmo tipo (por exemplo, dous códigos CSS externos), imprimiranse todos un despois do outro

Afectará este plugin ao tempo de carga?

Cando fas clic no botón Gardar, os códigos gárdanse na caché en arquivos, así que non hai consultas tediosas á base de datos.

O plugin modifica o código que escribo no editor?

Non, o código imprímese exactamente como está no editor. Non se modifica/comproba/valida de ningunha maneira. Ti asumes toda a responsabilidade do que escribas nel.

O meu código non se amosa na web

Proba unha das seguintes opcións:
1. Se usas algún plugin de caché (como «W3 Total Cache» ou «WP Fastest Cache»), non esquezas borrar a caché antes de ver o código impreso na web.
2. Asegúrate de que o código está en estado Publicado (non Borrador nin na papeleira).
3. Comproba se o cartafol wp-content/uploads/custom-css-js existe e ten permisos de escritura

Funciona cunha rede multisitio?

Si.

Que pasa se cambio o tema?

O CSS e o JS son independentes do tema e mantéñense aínda que cambies de tema. Isto é especialmente útil se aplicas CSS e JS para modificar a saída dun plugin.

Podo usar un preprocesador de CSS como LESS ou Sass?

Polo de agora só se admite CSS simple, pero podes botar unha ollada á versión Pro se necesitas un preprocesador de CSS.

Podo subir imaxes para usalas no meu CSS?

Si. Podes subir unha imaxe á túa biblioteca multimedia e despois facer referencia a ela pola súa URL directa desde a folla de estilos CSS. Por exemplo:
div#content {
background-image: url(‘http://example.com/wp-content/uploads/2015/12/image.jpg’);
}

Podo usar regras CSS como @import e @font-face?

Si.

Quen pode publicar/editar/borrar códigos personalizados?

Por defecto, só o administrador poderá publicar/editar/borrar códigos personalizados. Ao activar o plugin créase un perfil chamado Web Designer. Podes asignar este perfil a un usuario que non sexa administrador para permitirlle publicar/editar/borrar códigos personalizados. Na páxina de axustes do plugin hai unha opción para eliminar este perfil.

A miña web ten URL con HTTPS, pero os códigos líganse como HTTP

A URL dos códigos ligados constrúese igual que a URL doutros medios (da biblioteca multimedia), usando a opción Enderezo de WordPress que se atopa na páxina Administración de WP -> Axustes -> Xeral, como se ve nesta captura de pantalla. Se o Enderezo de WordPress ten HTTPS na URL, os códigos personalizados e todos os demais medios terán HTTPS na URL.