CloudSecure WP Security

Descrición

CloudSecure WP Security é un plugin de seguridade xaponés, con compatibilidade en xaponés, que protexe o Administrador e o URL de acceso dos ciberataques.
Cunha configuración sinxela, protexe WordPress do acceso non autorizado e dos inicios de sesión non autorizados, e reforza a seguridade do teu sitio.
Cada característica actívase ou desactívase cun simple cambio, o que permite xestionar con claridade as medidas necesarias. Grazas ao seu deseño sinxelo e fácil de usar, intégrase sen dificultade na xestión diaria do sitio.

※ Este plugin ofrécese para persoas usuarias en Xapón e non está pensado para residentes na UE.

Podes consultar información máis detallada, como a documentación e as FAQ, aquí.

• Non é compatible coa característica multisitio de WordPress.
• Comprobouse o funcionamento co servidor web Apache2.x.
• Para usar a característica de imaxe de identificación adicional, hai que instalar en PHP a biblioteca de extensión «gd».
• Para usar as características de restrición de acceso ao administrador e de cambio do URL de acceso, Apache precisa ter cargado «mod_rewrite».

As características deste plugin son as seguintes.

Desactivación de inicio de sesión

Se falla o inicio de sesión un número de veces indicado nun período indicado, desactiva (bloquea) o acceso durante o tempo indicado.
Evita ataques de inicio de sesión non autorizado, como a forza bruta ou os ataques con listas de contrasinais.
Resulta especialmente eficaz contra ataques automatizados.

Cambio do URL de acceso

Cambia o URL de acceso (wp-login.php).
Podes definir o nome que queiras (de 4 a 12 caracteres) con letras minúsculas, números, guións ou guións baixos de ancho simple.
Axuda a dificultar ataques de inicio de sesión non autorizado, como a forza bruta ou os ataques con listas de contrasinais.

Mensaxe de erro de acceso unificada

Ao iniciar sesión, mostra a mesma mensaxe se falla o nome de usuario, o contrasinal ou a imaxe de identificación.
Axuda a dificultar os ataques que investigan se existe un nome de usuario.

Identificación en dous pasos

Ao iniciar sesión, ademais do nome de usuario e do contrasinal, realízase unha identificación adicional cun código distinto.
Podes elixir entre Google Authenticator ou a identificación por correo.
Introduce na pantalla de acceso o código de 6 díxitos xerado por cada método; se toda a información coincide, poderás iniciar sesión.
Evita accesos e suplantacións por terceiros que obtivesen o nome de usuario ou o contrasinal, e reforza a seguridade.

Imaxe de identificación adicional

Pide introducir os caracteres que aparecen ao chou nunha imaxe e, se non coinciden, non permite avanzar á seguinte pantalla.
Pódese configurar no formulario de acceso, no de comentarios, no de restablecemento de contrasinal e no de rexistro de usuarios.
Evita ataques de inicio de sesión non autorizado, como a forza bruta ou os ataques con listas de contrasinais, e os accesos mecánicos de programas maliciosos.

Prevención de filtración de nomes de usuario

Evita a filtración de nomes de usuario mediante accesos con «?author=número».

Desactivación de XML-RPC

Desactiva XML-RPC ou os pingbacks e protexe o administrador do seu abuso.

Desactivación da REST API

Desactiva a REST API e protexe o administrador do seu uso indebido.

Restrición de acceso ao administrador

Se se accede a unha páxina do administrador (/wp-admin/ en diante) desde un enderezo IP que non iniciou sesión, devolve un erro 404 (Not Found).
Afecta aos enderezos IP que levan máis de 24 horas sen iniciar sesión no administrador.
Ao iniciar sesión, rexístrase o enderezo IP e permítese o acceso.
Podes indicar as páxinas (baixo wp-admin) que se excluirán desta característica.

Prevención de acceso aos arquivos de configuración

Unha característica que bloquea o acceso non autorizado aos arquivos do sistema de WordPress.

WAF sinxela

Unha devasa web (WAF, Web Application Firewall) sinxela que ofrece defensas básicas contra ataques a WordPress.
Bloquea ataques habituais como a inxección SQL e o cross-site scripting.

Aviso de inicio de sesión

Cando alguén inicia sesión, envía un correo á persoa usuaria.
Se recibes un correo que non esperabas, sospeita dun acceso non autorizado.

Aviso de actualizacións

Cando é necesario actualizar WordPress, os plugins ou os temas, envía un correo aos usuarios administradores de WordPress.
As actualizacións compróbanse cada 24 horas.
Usar sempre a última versión é a base da seguridade.

Aviso de erro do servidor

Cando se produce o erro do servidor «HTTP 500 (Internal Server Error)», rexístrase o historial do erro e envíase un correo aos usuarios administradores de WordPress.
Se se produce o mesmo tipo de erro dentro dunha hora, rexístrase o historial pero non se envía ningún correo.

Historial de inicios de sesión

Mostra o historial de inicios de sesión no administrador.
Tamén se pode buscar filtrando por cada elemento.
Tal como o aviso de inicio de sesión, axuda a detectar accesos non autorizados.