Descrición
Breeze é un plugin de caché gratuíto, sinxelo (pero potente) e fácil de usar desenvolvido polo equipo de Cloudways. Ofrece varias opcións para optimizar o rendemento dos sitios WordPress en varios niveis. Funciona igual de ben con WordPress, WordPress con WooCommerce e WordPress Multisite.
Breeze destaca nas seguintes áreas:
-
Rendemento: Breeze mellora a velocidade da web e a optimización de recursos. Outras características inclúen un sistema de caché a nivel de arquivo, limpeza da base de datos, minimización, soporte para a caché de Varnish e opcións simplificadas de integración de CDN.
-
Comodidade: Breeze é fácil de instalar e configurar directamente desde WordPress. Configurar Breeze é sinxelo e a maioría das opcións por defecto funcionan ben directamente. Os axustes recomendados deberían funcionar en todas as túas webs WordPress sen problemas.
-
Simplicidade: Breeze está deseñado para ser sinxelo para todos os usuarios. Só tes que instalar e activar o plugin e verás os resultados de inmediato.
O que fai xenial o plugin Breeze Cache é que inclúe soporte integrado para Varnish. Se Varnish non está instalado nos teus servidores, Breeze usará o seu mecanismo de caché interno para mellorar o rendemento do teu sitio WordPress.
CARACTERÍSTICAS
- Integración perfecta con Varnish Cache para unha entrega de contido eficiente. Non se precisan axustes manuais: todos os axustes veñen preconfigurados para a túa comodidade.
- Optimiza o rendemento usando as capacidades de caché de Cloudflare. Non se precisa ningunha configuración específica de Breeze: funciona directamente.
- Integra sen esforzo a túa rede de distribución de contido (CDN) preferida para a distribución global de contido con Breeze, en lugar de usar os plugins dos provedores de CDN.
- Reduce sen esforzo o exceso da base de datos de WordPress. As Opcións de base de datos de Breeze optimizan e ordenan a túa base de datos, e melloran o rendemento eliminando datos innecesarios como as revisións de entradas e o contido do lixo.
- Toma o control das exclusións da caché. Con Breeze podes evitar que se almacenen en caché URL, arquivos JS e arquivos CSS concretos.
- Consegue tamaños de páxina menores e cargas máis rápidas mediante a minimización de HTML, CSS e JavaScript, incluída a minimización de CSS e JavaScript integrados.
- Carga as imaxes cando sexan visibles, non todas de golpe, para un mellor rendemento das páxinas web mediante a carga diferida das imaxes.
- Carga os arquivos JS con carga diferida para mellorar o rendemento xeral.
- Dálle un impulso á velocidade do teu sitio coas características avanzadas de precarga de Breeze: carga as fontes cedo, acelera os clics nas ligazóns e mellora as solicitudes DNS para ofrecer unha experiencia de usuario fluída.
- Domina as interaccións en tempo real coa xestión da API Heartbeat de Breeze. Afina os avisos, os datos de vendas, os gardados automáticos e máis para optimizar o rendemento da túa web WordPress axustando a frecuencia das chamadas á API.
- Xestiona os axustes de Breeze sen esforzo mediante Importar/Exportar. Descarga as túas configuracións como un arquivo .json para ter unha copia de seguridade, ou importa axustes existentes para afinar rapidamente a túa optimización.
Soporte: Encántanos dar soporte! Publica as túas preguntas nos foros de soporte de WordPress.org ou, se es cliente de Cloudways, podes facelas no Foro da comunidade de Cloudways.
Requisitos
Recoméndase PHP 7.4, PHP 8 para un mellor rendemento, WordPress 6.0+
Instalación
Para instalar o plugin desde o Escritorio de WordPress:
- No panel de administración de WordPress, vai a Plugin > Engadir novo
- Busca Breeze
- Fai clic en instalar e agarda a que remate a instalación. A continuación, fai clic na ligazón de activar
Para instalar o plugin manualmente:
- Descarga e descomprime o paquete do plugin – breeze.zip
- Sube breeze a /wp-content/plugins/
- Activa o plugin desde o menú «Plugins» do Escritorio de WordPress
- Accede a Breeze desde Administrador de WordPress > Axustes > Breeze
Preguntas frecuentes
-
Instrucións de instalación
-
Para instalar o plugin desde o Escritorio de WordPress
1. No panel de administración de WordPress, Menú > Plugin > Engadir novo
2. Busca Breeze
3. Fai clic en instalar e agarda a que remate a instalación. A continuación, fai clic na ligazón de activarPara instalar o plugin manualmente
1. Descarga e descomprime o paquete do plugin – breeze.1.0.0.zip
2. Sube breeze a /wp-content/plugins/
3. Activa o plugin desde o menú «Plugins» do Escritorio de WordPress
4. Accede a Breeze desde Administrador de WordPress > Axustes > Breeze -
É compatible Breeze con Varnish e ata que punto?
-
Breeze, por defecto, é compatible con Varnish. Foi probado e é totalmente compatible cos servidores de Cloudways, que veñen con Varnish preinstalado. Se usas provedores de aloxamento distintos de Cloudways, suxerímoslle que confirmes a compatibilidade con Varnish co teu provedor de aloxamento
-
É compatible Breeze con WooCommerce?
-
Breeze é totalmente compatible con WooCommerce, directamente. Non require ningunha configuración especial.
-
É compatible Breeze con WordPress Multisite?
-
Breeze é totalmente compatible con WordPress Multisite sen necesidade de ningunha configuración adicional.
-
Como xestiona Breeze WordPress Multisite?
-
Breeze xestiona todas as instancias de WordPress Multisite de forma global. Todos os axustes de multisitio xestiónanse agora a nivel de rede.
-
É Breeze compatible con outros plugins de caché de WordPress?
-
NON recomendamos usar dous plugins de caché de WordPress ao mesmo tempo en ningunha web WordPress.
Recomendamos encarecidamente usar Breeze como único plugin de caché da túa web. Se hai instalado outros plugins de caché, asegúrate de desactivalos antes de continuar coa instalación de Breeze. -
É Breeze compatible con HTTPS?
-
Breeze non require ningunha configuración especial para funcionar con páxinas HTTP ou HTTPS.
-
Ten Breeze problemas de compatibilidade con outros plugins coñecidos?
-
Breeze foi probado cos plugins populares dispoñibles en WordPress.org. Non dubides en informar de calquera incompatibilidade nos foros de soporte de WordPress ou no Foro da comunidade de Cloudways.
-
É compatible Breeze con CDN?
-
Breeze é compatible coa integración de CDN. Permite servir todos os recursos estáticos (como imaxes, arquivos CSS e JS) a través dunha CDN.
-
Que fai a característica de optimización da base de datos de Breeze?
-
As bases de datos de WordPress adoitan almacenar información como revisións de entradas, comentarios de spam e moito máis. Co tempo, as bases de datos incháanse e é unha boa práctica eliminar a información innecesaria para reducir o tamaño da base de datos e mellorar a optimización.
A optimización da base de datos de Breeze elimina a información innecesaria cun só clic.
-
Aparecerán de inmediato os comentarios e outras partes dinámicas do meu blog?
-
Os comentarios aparecerán tras a moderación segundo o sistema (ou a política) de comentarios establecido polo propietario do blog. Outros cambios dinámicos, como calquera modificación en arquivos, requirirán unha purga completa da caché.
-
Podo excluír da caché URL de arquivos e páxinas individuais?
-
Podes excluír un arquivo indicando a súa URL ou tipo de arquivo (indicando a extensión) nos campos de exclusión (dispoñibles nos axustes de Breeze). A exclusión impedirá que a caché afecte a esa URL ou tipo de arquivo.
Se Varnish está activo, terás que excluír as URL e os tipos de arquivo na configuración de Varnish. Se aloxas webs WordPress en servidores de Cloudways, segue esta KB para excluír URL da caché de Varnish.
-
Funciona con todos os provedores de aloxamento?
-
Breeze foi probado para funcionar con todos os principais provedores de aloxamento. Ademais, as principais opcións de Breeze, como Gzip, caché do navegador, minimización, agrupación e optimización da base de datos, e a integración de CDN funcionarán como se espera en todos os provedores de aloxamento.
-
Onde podo obter soporte para Breeze?
-
Podes obter resposta ás túas preguntas nos foros de soporte de WordPress. Se es cliente de Cloudways, non dubides en iniciar unha conversa no Foro da comunidade de Cloudways.
-
Como podo probar e comprobar os resultados?
-
Poderás ver o impacto do plugin Breeze Cache case de inmediato. Tamén recomendamos usar as seguintes ferramentas para xerar métricas:
Google Page Speed
WebPagetest
Pingdom -
Funciona o plugin Breeze con Visual Builder?
-
Si, o plugin Breeze é compatible con Visual Builder.
-
Que CDN populares son compatibles co plugin Breeze?
-
Breeze é compatible cas seguintes tres CDN populares:
MaxCDN
KeyCDN
Amazon Cloudfront -
É compatible Breeze con Push CDN?
-
Non, Breeze non é compatible con Push CDN. Con todo, podes usar Breeze con Push CDN mediante plugins de terceiros.
-
Funciona Breeze con CloudFlare?
-
Si. O proceso de configurar CloudFlare con Breeze é sinxelo. Consulta o seguinte artigo da KnowledgeBase para ver os detalles.
-
Como usa Gzip a caché de Breeze?
-
Con Gzip, Breeze comprime os arquivos das solicitudes, o que reduce aínda máis o tamaño dos arquivos de descarga e acelera a experiencia de usuario.
Comentarios
Colaboradores e desenvolvedores
“Breeze Cache” é un software de código aberto. As seguintes persoas colaboraron con este plugin.
Colaboradores
“Breeze Cache” foi traducido a 13 idiomas. Grazas aos desenvolvedores polas súas contribucións.
Traduce “Breeze Cache” ao teu idioma.
Interesado no desenvolvemento?
Revisa o código, bota unha ollada aorepositorio SVN, ou subscríbete ao log de desenvolvemento por RSS.
Rexistro de cambios
2.6.0
- New: Cache Full Page HTML is now a separate option.
- New: Added Refresh cached page parts (beta). After a cached page loads, selected parts can be refreshed so they stay up to date. Off by default.
- Fix: Resolved a PHP fatal error on sites using the FooEvents plugin.
- Fix: Fixed minified CSS/JS being stored in the wrong folder for logged-in users.
- Fix: Removed duplicate cache-purge requests when updating a post.
- Fixed: “Never Cache URL(s)” no longer shows an invalid URL warning for domains with long TLD endings.
- Improvement: Breeze now updates its config file in place instead of deleting and recreating it.
- Improvement: Breeze no longer removes locally hosted Google/Facebook files during updates.
2.5.18
- Fix: Aplicáronse medidas de seguridade melloradas á carga diferida e á minimización.
2.5.17
- Fix: Corrixiuse un erro crítico tras actualizar Breeze en sitios que excluían da caché as páxinas con shortcodes dinámicos.
2.5.16
- Fix: Erro 503 causado por gardar o arquivo de axustes de Breeze dúas solicitudes á vez (sobre todo en Multisite, tras as actualizacións).
- Improvement: O arquivo de axustes gárdase agora de forma segura para evitar escrituras parciais ou corruptas.
2.5.15
- Security: Completouse a corrección do problema de inxección de contido de baixa gravidade identificado anteriormente, relacionado coa xestión da caché.
- Improvement: Melloráronse aínda máis a xestión da caché para garantir un procesamento consistente das solicitudes con variacións na cadea de consulta.
2.5.14
- Fix: Corrixiuse un problema de inxección de contido de baixa gravidade relacionado coa xestión da caché.
- Fix: Corrixiuse un problema XSS de gravidade media en condicións específicas. Na maioría dos casos requiríase a aprobación do administrador de WordPress; as instalacións por defecto non se ven afectadas.
- Fix: Resolvéronse os erros 404 intermitentes en arquivos JS e CSS minimizados tras baleirar a caché.
- Fix: Corrixíronse as descargas de arquivos e as imaxes corruptos con Gravity Forms.
- Improvement: Eliminouse Google Analytics e Facebook Pixel de Aloxar arquivos localmente, xa que aloxalos localmente non mellora o rendemento e engadía un risco innecesario. Google Fonts segue dispoñible para o aloxamento local, xa que pode mellorar realmente os tempos de carga.
- Improvement: Reducíronse as consultas innecesarias á base de datos cando a precarga non ten nada que quecer.
2.5.13
- Fixed: Evitouse que cookies de moeda manipuladas alteren a xestión dos arquivos da caché e sobrescriban arquivos.
- Improved: Melloráronse a compatibilidade con WCML, CURCY/WMC, WOOCS, Aelia Currency Switcher e Weglot.
- Improved: Refináronse as claves da caché e os ETags para ter mellor en conta as variacións de produto.
- Improved: Melloráronse a xestión das variacións e a invalidación da caché en contornos multisitio.
2.5.12
- Fix: Resolvéronse un problema de compatibilidade de dependencias entre a implementación de PSR Simple Cache v3 de Breeze e os plugins que cargan versións anteriores de PSR Simple Cache, o que evita erros fatais.
- Fix: Reducíronse as solicitudes excesivas de purga da caché provocadas polas actualizacións de produtos en catálogos grandes de WooCommerce.
2.5.11
- Improvement: As actualizacións de produtos da API REST de WooCommerce só baleiran agora a caché do produto e das páxinas relacionadas, en lugar da caché de todo o sitio.
- Fix: Actualizar un tipo de contido personalizado tamén actualiza agora as súas páxinas de arquivo de taxonomía para manter as listaxes ao día.
- Fix: Melloráronse a compatibilidade con PHP 8.4+ para evitar avisos no rexistro de depuración.
2.5.10
- Improvement: Protexéronse os directorios da caché con index.html e bloqueos de execución de PHP.
- Enhancement: Restrinxíronse e validáronse as descargas remotas de recursos de terceiros aloxados localmente e das imaxes de Gravatar.