Descrición
O plugin de SEO máis rápido e o único con todas as características que segue as directrices e regras impostas por WordPress e os motores de busca.
Previsualiza The SEO Framework en WordPress Playground.
Comeza a usar tácticas de SEO probadas para mellorar a posición da túa web. Limpo, dedicado, extensible, sen restricións, sen anuncios e sen condicións ocultas.
Para rematar, este é o plugin de SEO completo máis rápido, e intégrase perfectamente na túa web de WordPress, sen deixarte ás escuras.
É fácil comezar. Activa este plugin e o teu sitio queda protexido ao instante contra os principais ataques de SEO. The SEO Framework tamén cubrirá previamente todas as metaetiquetas críticas por ti. Un verdadeiro aforro de tempo. Enxeñoso.
Migrar | Configurar | Mellorar | Extensións | API | Soporte | Privacidade
Dedicamos máis de 27 000 horas de agarimo a este plugin.
Estes son os resultados:
-
É brillante.
The SEO Framework é un sistema experto para SEO. É a única solución que pode xerar de forma intelixente metaetiquetas SEO críticas en calquera idioma lendo o teu contorno de WordPress. Esta automatización aforra unha cantidade considerable de tempo que podes usar para escribir máis contido ou centrarte noutras tarefas. Tamén elimina a necesidade de coñecementos avanzados de SEO. -
Vén preconfigurado.
Con The SEO Framework ofrecémosche un excelente punto de partida para a túa web optimizando racionalmente todas as túas páxinas. Por suposto, tamén podes axustalo como queiras. Se non es experto en SEO, descubre que podes querer optimizar na nosa guía de configuración. -
Axúdate a optimizar os teus metadatos.
Fixemos o único plugin de SEO que segue ao pé da letra as directrices para webmasters de Google. Levou anos de investigación e axustes traducir isto tan ben dentro da túa interface de WordPress. Por fin podes optimizar as túas páxinas libremente sen ter que preocuparte por cometer erros críticos. -
Crea unha vista xeral fermosa.
Nas túas páxinas de vista xeral de entradas atoparás directrices codificadas por cores. Suxiren como mellorar as túas páxinas cando pasas o cursor do rato por riba. Por exemplo, cando os teus títulos non teñen marca ou cando WordPress bloquea a indexación. Instintivamente, tamén se admite a navegación táctil e por teclado. -
Inclúe un soporte excepcional.
Non externalizamos o noso soporte. Estamos aquí para ti. Pasa polas nosas canles de soporte cando queiras para facer unha pregunta. Nos últimos nove anos respondemos persoalmente máis de 5000 consultas, normalmente en 72 horas. -
Non deixa lugar a erros.
Centrámonos na calidade das características que necesitas en vez de na cantidade das que non. Esta calidade fai que este plugin sexa único, máis rápido, máis preciso, case sen fallos e máis sostible. A vantaxe engadida é que é improbable que o teu sitio sexa penalizado polos motores de busca. Non te guiaremos a escribir contido pouco natural nin che permitiremos enganar os motores de busca. -
Segue sendo xenuíno e puro.
Creamos The SEO Framework para pequenas e grandes corporacións e empresas. A interface é totalmente accesible e intégrase perfectamente no teu escritorio. Por iso, interactuar con este plugin resulta natural. Pode parecer aburrido, pero o teu escritorio de WordPress non debería ser un panel publicitario da nosa marca. Nunca cambiaremos isto. -
Mellora a presenza nas buscas.
The SEO Framework posiciona a túa web de forma distintiva activando as faragullas de pan para a Busca de Google mediante datos estruturados. Tamén xera automaticamente títulos e descricións segundo as directrices de Google e axuda rapidamente os motores de busca a atopar os últimos cambios da web grazas ao mapa do sitio optimizado integrado. -
Facilita compartir nas redes sociais.
The SEO Framework é compatible automaticamente cos protocolos Open Graph, Facebook e Twitter Cards e permíteche personalizalos aínda máis. Axuda a que as túas entradas destaquen cando se comparten en varias redes sociais, como Pinterest, Discord e WhatsApp. -
É máis que accesible.
Escollemos a nosa combinación de cores para que as persoas con calquera deficiencia na visión da cor recoñecida medicamente poidan distinguir as directrices definidas polos motores de busca. Tamén implementamos navegación completa por teclado e compatibilidade con lectores de pantalla. -
Protéxete dos erros.
The SEO Framework evita que cometas erros de SEO importantes e habituais. Deixa pouco marxe para equivocarse porque o plugin xa fai todo o SEO por ti. Por exemplo, evita automaticamente os erros de contido duplicado aplicando regras canónicas estritas. -
Segue as mellores prácticas e máis.
Os maiores problemas dos plugins de WordPress son a seguridade e a compatibilidade. Como investigadores de seguridade a tempo parcial, centrámonos en facer este plugin impenetrable. The SEO Framework tamén usa a API de WordPress sempre que é posible, o que fai que este plugin se integre ben con todos os demais plugins escritos con iso en mente. -
Ten os desenvolvedores no corazón.
Animamos outros desenvolvedores a mellorar este plugin e engadirlle funcionalidades. Nós mesmos xa o fixemos coas nosas extensións. Bota unha ollada á nosa API e contribúe! -
Respecta a túa privacidade.
The SEO Framework non nos envía información nin crea cookies. Obtén máis información na nosa política de privacidade, que cumprimos estritamente.
Primeiros pasos
- Usaches outro plugin de SEO? Migra os teus metadatos facilmente.
- Necesitas axuda para comezar? Le a nosa guía de configuración rápida.
- Queres mellorar as túas páxinas? Aprende como optimizar os teus metadatos.
Fai máis con extensións
Para funcionalidades adicionais, bota unha ollada ao noso plugin complementario gratuíto Extension Manager. Ofrece numerosas extensións gratuítas e de pago, como:
- Focus guíate no proceso de escribir contido específico que se posicione con palabras clave principais e sinónimos.
- Articles mellora as túas entradas publicadas engadindo automaticamente datos estruturados importantes.
- Transport migra e transforma os metadatos de Rank Math, Yoast SEO e SEOPress a este plugin.
- Honeypot atrapa os spammers de comentarios de cinco formas lixeiras pero potentes.
- Cord axúdate a conectar a túa web con Google Analytics e Meta Pixel.
- Local permíteche configurar información importante do negocio local para que a consuman os motores de busca.
- AMP vincula The SEO Framework co plugin AMP para artigos e páxinas compatibles con AMP.
- Monitor fai o seguimento das optimizacións e estatísticas de SEO da túa web.
- Incognito oculta todos os comentarios de desenvolvemento de The SEO Framework.
- Origin redirixe os visitantes das páxinas de anexos de volta á entrada pai.
- Title Fix asegura que a saída dos títulos sexa a configurada. Mesmo se o teu tema o fai mal.
Visita a nosa páxina de vista xeral das extensións para obter máis información.
Sen marca, gratuíto e para profesionais
The SEO Framework é un plugin de marca branca único que se integra perfectamente no teu escritorio de WordPress. Isto significa que nin sequera poñemos o nome «The SEO Framework» en ningún lugar da túa interface de WordPress. Sen anuncios nin avisos molestos. Ninguén ten que saber que ferramentas usaches para crear a túa web. Ten en conta que xeramos comentarios de desenvolvemento estandarizados que distinguen a saída do plugin no código fonte. Podes eliminalos coa nosa extensión Incognito gratuíta.
Entre bastidores
The SEO Framework traballa en moitas cousas sen avisarte, porque o mellor software é rápido, áxil, adaptable e debería aforrarche tempo valioso. Estas son algunhas das cousas que fai entre bastidores.
- Evita erros canónicos en categorías, páxinas, subdominios e na asignación de dominios de WordPress Multisite.
- Detén os ataques de SEO causados por explotacións da paxinación en WordPress dicindo ao motor de busca que mire a última páxina existente.
- Evita que as páxinas 404 e as categorías baleiras se indexen, mesmo cando non envían unha resposta 404.
- Avisa automaticamente a Google e á rede de Bing das actualizacións da web cando os mapas do sitio están activados.
- Desaconsella aos motores de busca indexar os feeds e o mapa do sitio. Isto non significa que non os usen; só que non os mostrarán nos seus resultados de busca.
- Dirixe os motores de busca desde as páxinas de comentarios de volta á entrada que almacena eses comentarios.
Compatibilidade e accesibilidade
The SEO Framework é compatible con:
- Internacionalización a través de WordPress.org. Podes contribuír aquí.
- Recoñecemento e renderizado de caracteres Unicode (UTF-8), incluíndo Emoji e CJKV (chinés, xaponés, coreano, vietnamita).
- Idiomas de dereita a esquerda (RTL) (árabe, hebreo, farsi, etc.), na súa interface e na xeración de metaetiquetas.
- Accesibilidade completa para deficiencias na visión da cor grazas a unha combinación de cores coidadosamente escollida.
- Navegación completa por teclado, para que poidas inspeccionar as dicas rapidamente sen ter que coller o rato.
- Accesibilidade completa para lectores de pantalla mediante ancoraxes de campos, etiquetas ARIA e atributos de título.
- Configuracións de WordPress Multisite; de feito, este plugin está construído sobre unha.
- Detección e saída dos arquivos robots.txt e sitemap.xml.
- Integración completa cos mapas do sitio do núcleo de WordPress.
- Selección do termo principal (categoría) para influír nas faragullas de pan e nas ligazóns.
- Saída de datos estruturados mediante scripts JSON-LD de Schema.org.
- Modificación de oEmbed para mellorar o uso compartido en Discord.
- Detección doutros plugins de SEO para axudarte a cambiar con elegancia.
- Plugins de tradución como WPML, Polylang, WPGlobus e MultilingualPress.
- Plugins de comercio electrónico como WooCommerce e Easy Digital Downloads.
- Bloqueo de rastrexadores de análise SEO e de IA de Moz, OpenAI, Apple e outros, mediante robots.txt.
- Plugins de foros como bbPress e wpForo.
- Edición de entradas e termos mediante as interfaces nativas de edición en lote e edición rápida de WordPress.
- Modo headless mediante unha única definición de constante.
Capturas
Instalación
Este plugin require:
- PHP 7.4 ou superior.
- WordPress 6.0 ou superior.
- Calquera navegador moderno para a administración.
Instrucións de instalación:
- Instala The SEO Framework desde o teu escritorio de WordPress mediante a busca de plugins ou subindo os arquivos ao teu servidor.
- Activa este plugin para toda a rede ou nun único sitio.
- Isto é todo! O plugin xa mellora a túa web co SEO. Tamén protexe a túa web contra ataques de SEO.
Este plugin configura automaticamente os seus axustes globais
Non obstante, sería mellor que lesen a nosa guía de configuración do plugin para sacar o máximo partido a The SEO Framework.
Este plugin configura automaticamente os axustes meta de SEO
Non obstante, quizais queiras ler a nosa guía de mellora de páxinas para aprender como optimizar as túas páxinas.
Obtén máis potencia SEO
Opcionalmente, instala tamén o noso plugin gratuíto Extension Manager para solucións de SEO adicionais.
Preguntas frecuentes
-
The SEO Framework é gratuíto?
-
Por suposto! Seguirá sendo gratuíto, sen anuncios, seguimento, sobrecarga nin avisos molestos!
Este plugin é lixeiro pero completo. É software totalmente gratuíto, non software limitado. -
Non. Xa tratamos este plugin como un plugin premium.
Non obstante, ofrecemos moitas extensións gratuítas e de pago que axudan a manter este plugin gratuíto. Ofrecémolas a través do noso plugin Extension Manager gratuíto.
-
Por que non hai analítica, seguimento nin monitorización de 404?
-
Os expertos en SEO que usan ferramentas avanzadas como Ahrefs, SEMrush, Screaming Frog e Google Analytics prefiren The SEO Framework porque non tenta facer o seu traballo de forma atropelada.
Para analizar correctamente a túa web, hai que facelo desde fóra. Se cargamos estas características no teu sitio, os robots maliciosos causarán miles de falsos positivos que encherán a túa base de datos de información inútil que non se aplica aos motores de busca. Evitámolo porque nunca che axudaría de todos os xeitos.
-
Teño unha solicitude de característica, unha pregunta ou atopei un fallo.
-
Visita os foros de soporte e cóntanolo.
Intentaremos responderte nunha semana. Normalmente respondemos en tres días.
-
Son desenvolvedor; como podo axudar?
-
Agradecemos calquera achega e consideraremos todo.
Visita a páxina do proxecto en GitHub para enviar problemas ou mesmo pull requests.Obtén máis información sobre como contribuír.
-
Que me din as cores?
-
Usamos cores diferentes para transmitir mensaxes. O vermello é un erro que debes resolver. O amarelo é unha advertencia non crítica que quizais queiras atender. O verde é bo. O azul é informativo e situacional. O gris é indefinido ou non procesable.
-
O mapa do sitio non contén categorías, imaxes, etc.
-
Non ter cada páxina listada non é un problema. Aos motores de busca encántalles rastrexar WordPress porque a súa estrutura é consistente e ben coñecida.
Se un visitante non atopa unha páxina, por que o ía facer un motor de busca? Non confíes no teu mapa do sitio, senón no teu contido e na usabilidade da túa web.
Bota unha ollada ao noso Extension Manager. Achega extensións, como Articles, que cubren as lagoas con medios modernos e máis robustos.
-
O mapa do sitio contén ligazóns non desexadas.
-
The SEO Framework toma todas as entradas, páxinas e tipos de contido personalizados consultables publicamente e ponos no mapa do sitio.
Se non queres unha páxina no mapa do sitio, considera activar a opción
noindexpara ela. Esta opción tamén eliminará a páxina das páxinas de resultados dos motores de busca.Se a ligazón non debe estar no mapa do sitio porque ten fins estruturais, informa o autor do plugin ou tema que as creou.
Deberías dicirlle que revise os «argumentospublicerewritedo tipo de contido». O autor do plugin ou tema debería saber o que significa.Mentres tanto, podes desactivar o SEO das entradas non desexadas mediante «Axustes xerais de SEO» en «Exclusións».
-
Por que non se inclúen palabras clave principais?
-
Google advirte sobre o enfoque de acumulación de palabras clave que implementan outros plugins de SEO. Obriga os usuarios a escribir contido pouco natural e pode ter efectos adversos na posición do teu sitio.
Os motores de busca modernos usan IA para comprender o contexto dos teus artigos. Isto significa que, mentres escribas contido relevante, non deberías preocuparte polas palabras clave.
Non obstante, implementamos a mesma API que usa Google para axudarte a atopar sinónimos e flexións axeitados para as túas palabras clave. Esta funcionalidade forma parte da nosa suite premium de extensións.
-
Que fan os scripts application/ld+json?
-
Os scripts JSON-LD son axudas para os motores de busca que lles din como conectar e indexar o sitio. Facémolo mediante o estándar Schema.org.
Poden dicirlle ao motor de busca se o teu sitio contén un motor de busca interno, a que redes sociais estás conectado e que estrutura de páxina usas. Isto tamén se coñece como datos estruturados.
-
The SEO Framework xera faragullas de pan ocultas para que os motores de busca as atopen a través dos seus axustes de Schema.org.
Tamén podes mostrar estas faragullas de pan visualmente no teu tema usando un shortcode.
Comentarios
Colaboradores e desenvolvedores
“The SEO Framework – Rápido, automatizado e sen esforzo.” é un software de código aberto. As seguintes persoas colaboraron con este plugin.
Colaboradores
“The SEO Framework – Rápido, automatizado e sen esforzo.” foi traducido a 28 idiomas. Grazas aos desenvolvedores polas súas contribucións.
Traduce “The SEO Framework – Rápido, automatizado e sen esforzo.” ao teu idioma.
Interesado no desenvolvemento?
Revisa o código, bota unha ollada aorepositorio SVN, ou subscríbete ao log de desenvolvemento por RSS.
Rexistro de cambios
5.1.4
Esta pequena actualización engade un novo axuste e atributo de shortcode para a saída do título das faragullas de pan, que che permite escoller entre títulos meta ou títulos de páxina. Lanzámola con présa porque o noso aviso non funcionou, e non queremos enviar avisos sen ofrecer unha característica a cambio.
5.1.3
Esta actualización engade a selección do termo principal á edición rápida/en lote, alternadores de visibilidade de opcións, compatibilidade completa co tema Avada, xestión mellorada de Elementor e varias correccións de fallos.
Tamén eliminamos todo o código obsoleto anterior a TSF v5.0. Se engadiches fragmentos personalizados de hai máis de 2 anos sen resolver as obsolescencias, podes ter problemas. Non dubides en contactar connosco nos nosos foros de soporte se necesitas axuda.
5.1.2
Este parche resolve outro problema no que gardar os metadatos do autor podía causar un erro.
5.1.1
Esta pequena actualización resolve problemas que a nosa comunidade atopou coa versión de TSF v5.1.
5.1.0 – Profound
O amante da sabedoría, pois, supera con moito o amante do ganorio. – Platón
Novidades destacadas da versión
- Esta actualización trae unha nova combinación de cores máis agradable para os ollos. Encantarache mañá.
- Agora a URL canónica faise seguimento en tempo real ao editar calquera páxina ou termo.
- Agora podes impedir que adestradores de IA e rastrexadores de análise SEO usen o teu contido.
- Engadimos unha advertencia para os tipos de imaxe que non son compatibles coa maioría das plataformas sociais.
- Agora podes establecer unha URL canónica e de redirección para a páxina de inicio.
Profound
Tras a monumental actualización v5.0 «Apex», estamos orgullosos de presentar TSF v5.1 «Profound». É unha actualización de menor impacto, con só 150 melloras, pero cada unha delas pretende facer TSF aínda máis sinxelo de usar. Elaborada meticulosamente, coma ningunha outra, esta actualización é outra proba da nosa dedicación a facer o SEO de WordPress soportable.
Seguidor da notación da URL canónica
A URL canónica é unha parte crítica do SEO, pero WordPress non indica en que se converte ao editar a páxina, só despois de gardala. Agora podes vela en tempo real como marcador de posición, segundo os axustes de ligazóns permanentes do teu sitio.
Este seguidor é preciso. Aínda así, pensamos facelo máis sofisticado en futuras actualizacións. Non reflectirá os cambios de categoría na edición rápida porque aínda temos que engadir un selector de termo principal alí, e está desactivado cando hai un plugin multilingüe activo, xa que modifican a estrutura da URL dun xeito non estándar.
Novo xerador de robots.txt
Substituímos o escritor de robots.txt existente por un xerador baseado en prioridades. Xa engadimos a capacidade de engadir a localización do teu mapa do sitio, bloquear adestradores de IA, bloquear rastrexadores de análise SEO e limitar o acceso á área de administración. Podes engadir, eliminar e modificar seccións do xerador co filtro the_seo_framework_robots_txt_sections.
Scripts administrativos actualizados
Actualizamos significativamente os arquivos CSS e JavaScript do plugin. Se atopas problemas coa interface, pode que teñas que baleirar as caches do teu navegador. Consulta o noso artigo da base de coñecemento para saber máis.
Apoia o desenvolvemento
Agardamos que che encante esta actualización tanto como a nós. Considera apoiarnos publicando unha valoración fantástica, obtendo unha licenza ou facendo un favor aos teus amigos e colegas instalando TSF para eles.
Rexistro detallado
Pero seguramente é obvio para todos que todo o esforzo da parte pola que aprendemos vai sempre cara ao coñecemento da verdade das cousas.
Full changelog
- Podes atopar o rexistro de cambios completo aquí.