Descrición
Plugin WordPress Mail SMTP
O teu sitio de WordPress non envía correos electrónicos? Non es o único. Máis de 4 millóns de webs usan WP Mail SMTP para enviar correos electrónicos de forma fiable.
O noso obxectivo é facilitar a entregabilidade dos correos electrónicos para que os teus correos electrónicos cheguen á caixa de entrada.
WP Mail SMTP soluciona os teus problemas de entregabilidade de correo electrónico reconfigurando WordPress para que use un provedor SMTP axeitado ao enviar correos electrónicos.
O mellor de todo é que o noso asistente de configuración, fácil de usar, e a nosa documentación detallada guíante durante todo o proceso.
WP Mail SMTP é gratuíto e ten todo o que necesitas para enviar de forma fiable os correos electrónicos de WordPress!
WP Mail SMTP Pro engade características aínda máis potentes, como o rexistro de correos electrónicos, informes e estatísticas avanzados de correo electrónico, conexións de reserva, alertas de correo electrónico, enrutamento condicional intelixente e moito máis.
Que é SMTP?
SMTP (Simple Mail Transfer Protocol) é un estándar do sector para enviar correos electrónicos. Unha configuración SMTP axeitada axuda a aumentar a entregabilidade dos correos electrónicos ao engadir autenticación aos correos electrónicos enviados desde o teu sitio.
Os clientes de correo electrónico populares, como Gmail, Yahoo, Office 365 e Zoho, están nunha loita constante contra os spammers, polo que comproban se os correos electrónicos proceden dun remitente auténtico. Se non existe a autenticación axeitada, os correos electrónicos van ao cartafol de SPAM ou, peor aínda, desaparecen.
Este é un problema para moitos sitios de WordPress. Por defecto, WordPress usa a función mail de PHP para enviar os correos electrónicos xerados por WordPress ou por calquera plugin de formularios de contacto, como WPForms.
Pero a maioría das empresas de aloxamento de WordPress non teñen os seus servidores configurados correctamente para enviar correos electrónicos con PHP.
Por isto non se entregan os correos electrónicos de WordPress.
Como funciona WP Mail SMTP?
O plugin WP Mail SMTP resolve facilmente os problemas de entrega de correo electrónico cambiando a forma en que o teu sitio de WordPress envía os correos electrónicos. Reconfiguramos a función wp_mail() para que use as credenciais axeitadas dun servidor SMTP ou un provedor de correo SMTP.
Coas nosas integracións integradas de provedores de correo SMTP (recomendado), os correos electrónicos envíanse mediante a API directa do provedor. Isto funciona mesmo se o teu aloxamento web bloquea os portos SMTP.
Isto axúdache a solucionar os problemas habituais de WordPress que non envía correos electrónicos.
O plugin WP Mail SMTP inclúe moitos servidores de correo SMTP distintos:
- SendLayer (Recomendado)
- SMTP.com (Recomendado)
- Brevo (antes Sendinblue) (Recomendado)
- Gmail SMTP (Gmail, Google Workspace, G Suite)
- Elastic Email
- Mailgun
- Mailjet
- MailerSend
- Mandrill
- Potmark
- Reenviar
- SendGrid
- SMTP2GO
- SparkPost
- Configuración cun clic de Microsoft (Outlook.com e Office 365) [Pro]
- Amazon SES [Pro]
- Zoho Mail [Pro]
- Outro SMTP
Na maioría das opcións tamén podes especificar o «nome do remitente» e o «enderezo de correo electrónico» dos correos electrónicos saíntes.
Se non sabes que servidor de correo escoller, consulta a nosa Guía completa dos servidores de correo de WP Mail SMTP.
SendLayer
SendLayer é o servizo de correo electrónico transaccional que recomendamos.
O seu prezo accesible e a súa configuración superrápida convérteno nunha opción estupenda para enviar correos electrónicos desde WordPress. Tamén ten seguimento de aperturas e clics e rexistros de correos electrónicos.
SendLayer é fiable, rápido e fácil de configurar. Podes enviar centos de correos electrónicos de balde cando te rexistras nunha proba.
Le a nosa documentación de SendLayer para obter máis detalles.
SMTP.COM
SMTP.com é un servidor de correo electrónico transaccional recomendado.
Con máis de 22 anos de experiencia na entrega de correo electrónico, SMTP.com ten reputación de remitente fiable.
Podes comezar a enviar correos electrónicos en minutos e aproveitar 50.000 correos electrónicos gratuítos nos teus primeiros 30 días.
Le a nosa documentación de SMTP.com para obter máis detalles.
Brevo (antes Sendinblue)
Brevo é un servidor de correo electrónico transaccional recomendado. Dá servizo a máis de 80.000 empresas de todo o mundo.
Brevo é fiable, rápido e ofrece 300 correos electrónicos gratuítos ao día.
Le a nosa documentación de Brevo para obter máis detalles.
WP Mail SMTP PRO
WP Mail SMTP Pro é un plugin de pago independente. Todo o que aparece nesta sección só está dispoñible en Pro e non forma parte deste plugin gratuíto. Ademais das integracións nativas con Microsoft, Amazon SES e Zoho Mail, Pro inclúe:
Fai clic aquí para comprar WP Mail SMTP Pro agora!
Rexistro de correo electrónico (Pro)
O rexistro de correos electrónicos é unha potente característica que garda constancia de todos os correos electrónicos enviados en WordPress. O rexistro de correos electrónicos axúdache a arquivar, auditar, reenviar ou probar a entrega e o formato dos correos electrónicos.
Os nosos rexistros de correos electrónicos de WordPress tamén inclúen:
Detalles do rexistro de correos electrónicos
Os nosos rexistros de correos electrónicos ofrecen un historial completo de todos os correos electrónicos enviados desde WordPress. Consulta o asunto, o remitente, os destinatarios, o contido, as cabeceiras, as taxas de apertura e de clics, o estado de entrega, o plugin de orixe e moito máis!
Reenvío de correos electrónicos
Reenvía correos electrónicos de forma individual ou en bloque, tanto se fallaron como se se entregaron correctamente. Tamén podes reenviar correos electrónicos importantes a un enderezo de correo electrónico alternativo.
E moitas máis características do rexistro de correos electrónicos
Garda todos os adxuntos dos correos electrónicos, exporta os rexistros de correos electrónicos, imprime correos electrónicos, consulta o estado de entrega e moito máis.
Informes de correo electrónico (Pro)
Revisa os correos electrónicos enviados e fallidos de cada semana nun gráfico do escritorio.
Os informes de correo electrónico facilitan o seguimento da entregabilidade e da interacción. As taxas de apertura e de clics agrúpanse por asunto, o que facilita ver o rendemento das túas campañas ou avisos.
Resumo semanal de correos electrónicos
Obtén estatísticas sobre os correos electrónicos de WordPress, como cantos correos electrónicos se envían e cales se abren e reciben clics. O resumo tamén che mostra as estatísticas de entregabilidade sen necesidade de iniciar sesión en WordPress para consultalas.
Seguimento de aperturas e clics dos correos electrónicos
Consulta as estatísticas de aperturas e clics dos correos electrónicos de WordPress, agrupadas por asunto no teu informe de correos electrónicos.
Alertas por correo electrónico (Pro)
Se os teus correos electrónicos deixan de enviarse, recibe un aviso ao momento a través de Slack, Microsoft Teams, Discord, SMS/ Twilio, webhooks ou correo electrónico (mediante unha API segura).
Xunto coas nosas funcións de rexistro e reenvío de correos electrónicos, as alertas por correo electrónico axudan a asegurar que os correos importantes non se perdan.
Conexión de respaldo (Pro)
Configura unha conexión adicional que entra en funcionamento se falla a túa conexión principal. WP Mail SMTP detecta automaticamente os problemas de conexión e cambia automaticamente ao servidor de correo de reserva. Tamén reintentará automaticamente os correos electrónicos que fallaron.
Enrutamento condicional intelixente (Pro)
Crea criterios para enviar distintos tipos de correos electrónicos usando distintos servidores de correo. Filtra polo contido do asunto ou da mensaxe do correo electrónico, polos enderezos do remitente ou do destinatario, polo plugin que xerou o correo electrónico e moito máis.
Isto permíteche combinar provedores transaccionais e de márketing para mellorar a entregabilidade.
Limitación de taxa (Pro)
Controla o número de correos electrónicos que envía o teu sitio de WordPress nun período de tempo concreto para non superar os límites de envío do teu provedor de SMTP.
WP Mail SMTP permíteche indicar o número máximo de correos electrónicos que se enviarán cada minuto, hora, día, semana ou mes, e pon automaticamente en cola os correos electrónicos para non superar eses límites.
Envío de correo electrónico optimizado (Pro)
Os correos electrónicos fan máis lento o teu sitio? Deixa que WP Mail SMTP poña en cola os teus correos electrónicos para mellorar o rendemento.
Co envío optimizado, os correos electrónicos póñense en cola en segundo plano e envíanse cando o teu servidor ten recursos suficientes, evitando os pescozos de botella que poden facer máis lento o teu sitio.
Xestiona os correos electrónicos e os avisos de WordPress (Pro)
Controla os avisos por defecto que envía WordPress. Usa un simple interruptor para desactivar tipos concretos de avisos se non queres recibilos.
WordPress Multisite (Pro)
Axustes da rede de WordPress multisitio
Se tes unha rede multisitio, aforra tempo cun lugar centralizado para configurar facilmente os axustes SMTP de todos os sitios.
Xestiona facilmente os rexistros de correos electrónicos dun multisitio
Os administradores da rede poden ver e xestionar os rexistros de correos electrónicos dos subsitios, cambiando facilmente entre eles e con vistas no escritorio.
Soporte experto
Ofrecemos soporte limitado nos foros de WordPress.org. Os usuarios de WP Mail SMTP Pro teñen á súa disposición soporte individual por correo electrónico.
White Glove Setup (servizo de pago)
Se non sabes como arranxar os teus correos electrónicos, recuéstate e reláxate. Nós configuramos WP Mail SMTP por ti!
A configuración White Glove inclúe a instalación, a configuración en WordPress, a configuración do DNS, a configuración completa do servidor de correo e as probas. A configuración White Glove está dispoñible para os servidores de correo que recomendamos: SendLayer, Brevo e SMTP.com.
Agradecementos
O plugin WP Mail SMTP foi creado orixinalmente por Callum Macdonald. Agora é propiedade do equipo que está detrás de WPForms (un maquetador de formularios de arrastrar & soltar para WordPress), que tamén se encarga do seu mantemento.
Podes probar a versión gratuíta do plugin WPForms para ofrecer aos teus visitantes unha forma sinxela de contactar contigo.
Servizos externos
WP Mail SMTP conecta cos servizos externos que se indican a continuación. Cada entrada explica que se envía e cando. Salvo que unha entrada indique outra cousa, as solicitudes aos servizos de WP Mail SMTP identifican só a versión do plugin (por exemplo WPMailSMTP/4.10.0). Se activas o seguimento de uso, tamén inclúen a versión de WordPress, a URL do sitio e o tipo de licenza.
Provedores de envío de correo electrónico
Os teus correos electrónicos envíanse a través do mailer que elixas en WP Mail SMTP > Settings. Cando WordPress envía un correo electrónico, a mensaxe (destinatarios, asunto, contido, cabeceiras e anexos) e as credenciais que introduciches envíanse a ese provedor. Conectar unha conta (por exemplo SendLayer Quick Connect ou iniciar sesión con Google) e comprobar os axustes do mailer no asistente de configuración tamén contactan co provedor seleccionado. Non se contacta con ningún provedor ata que o selecciones e configures.
Dependendo do provedor de correo electrónico que conectes, os datos do correo envíanse mediante os seus servidores SMTP, suxeitos aos seus respectivos Termos do servizo e Política de privacidade, que podes revisar individualmente consultando o provedor de integración que elixas conectar.
API de WP Mail SMTP (wpmailsmtpapi.com)
- Documentación de erros: cando falla o envío dun correo electrónico e abres unha páxina de administración de WP Mail SMTP, descárgase unha lista pública de artigos de axuda sobre erros de envío coñecidos, para que o aviso de erro poida enlazar co artigo correcto. A solicitude non inclúe o teu mailer, a URL do sitio nin ningún outro detalle sobre o teu sitio. Os resultados gárdanse na caché durante unha semana.
- Feed de anuncios: os anuncios de versións do plugin descárganse a través do noso feed de anuncios. Esta solicitude non inclúe a URL do teu sitio nin ningún outro detalle sobre el. Tamén podes desactivalo con «Hide Announcements» en WP Mail SMTP > Settings > Misc.
- Asistente de configuración aloxado: cando fas clic en «Let’s Get Started» no asistente de configuración, envíanse os detalles da URL do teu sitio, para que o asistente poida recomendar axustes de WP Mail SMTP para o teu sitio.
Termos: https://wpmailsmtp.com/terms/
Política de privacidade: https://wpmailsmtp.com/privacy-policy/
WP Mail SMTP Connect (connect.wpmailsmtp.com)
- Comprobación do dominio: o teu enderezo de correo electrónico de remitente (From), o mailer e o dominio de envío envíanse para comprobar os rexistros DNS do teu dominio. Execútase cando envías un correo electrónico de proba e ao final do asistente de configuración. Ferramentas > Saúde do sitio mostra o resultado da túa última comprobación.
- Inicio de sesión con Google: cando conectas unha conta de Gmail, a resposta de autorización de Google pasa por este servizo no seu camiño de volta ao teu sitio.
Termos: https://wpmailsmtp.com/terms/
Política de privacidade: https://wpmailsmtp.com/privacy-policy/
Seguimento de uso de WP Mail SMTP (wpmailsmtpusage.com)
Só cando activas «Allow Usage Tracking» en WP Mail SMTP > Settings > Misc, que está desactivado por defecto. Se está activado, o plugin envíanos diagnósticos relevantes sobre o uso do produto para axudarnos a mellorar o plugin e o noso servizo.
Termos: https://wpmailsmtp.com/terms/
Política de privacidade: https://wpmailsmtp.com/privacy-policy/
Email Detective de SendLayer (detective.sendlayer.com)
Cando executas unha proba de entregabilidade na páxina Email Detective, o teu sitio envía un correo electrónico de proba a través do teu mailer a un enderezo que proporciona o servizo, e o resultado do envío (éxito ou a mensaxe de erro) infórmase de volta. Para realizar esta proba, envíanse a este servizo a URL do teu sitio, o mailer, a versión do plugin e o tipo de licenza. Se solicitas o informe por correo electrónico, tamén se envía o enderezo de correo electrónico que introduzas.
Termos: https://sendlayer.com/terms-of-service/
Política de privacidade: https://sendlayer.com/privacy-policy/
Biblioteca de fragmentos de WPCode (library.wpcode.com)
Cando abres a páxina Code Snippets e o plugin WPCode non está activo, descárgase unha lista de fragmentos de código relacionados co correo electrónico. A solicitude identifica só a versión do plugin, salvo que o seguimento de uso estea activado. Os resultados gárdanse na caché durante un día.
Termos: https://wpcode.com/terms-of-service/
Política de privacidade: https://wpcode.com/privacy-policy/
Capturas
Instalación
- Instala WP Mail SMTP by WPForms desde o repositorio de plugins de WordPress.org ou subindo os arquivos ao teu servidor. (Consulta as instrucións sobre como instalar un plugin de WordPress)
- Activa WP Mail SMTP by WPForms.
- Vai á área de axustes de WP Mail SMTP na administración de WordPress.
- Elixe a túa opción de SMTP (SendLayer, SMTP.com, Brevo (antes Sendinblue), Gmail SMTP, Elastic Email, Mailgun SMTP, Mailjet, SendGrid SMTP, Postmark, SparkPost, SMTP2GO ou Outro SMTP) e segue as instrucións para configurala.
- Necesitas máis axuda? Obtén soporte con WP Mail SMTP PRO.
Preguntas frecuentes
-
Que provedores de correo electrónico admite WP Mail SMTP?
-
SendLayer
SendLayer é o servizo de correo electrónico transaccional que recomendamos.
O seu prezo accesible e a súa configuración sinxela convérteno nunha opción estupenda para enviar correos electrónicos desde WordPress. Tamén ten seguimento de aperturas e clics, rexistros de correos electrónicos e xestión de listas de correo.
SendLayer é fiable, rápido e fácil de configurar. Podes enviar centos de correos electrónicos de balde cando te rexistras nunha proba.Le a nosa documentación de SendLayer para obter máis detalles.
SMTP.COM
SMTP.com é un servidor de correo electrónico transaccional recomendado.
Con máis de 22 anos de experiencia na entrega de correo electrónico, SMTP.com existe case desde que existe o propio correo electrónico. Ten unha sólida reputación entre os provedores de internet.
O seu sinxelo proceso de integración permíteche comezar a enviar correos electrónicos en minutos e beneficiarte de anos de experiencia. SMTP.com ofrece aos usuarios 50.000 correos electrónicos gratuítos durante os primeiros 30 días.
Le a nosa documentación de SMTP.com para obter máis detalles.
Brevo (antes Sendinblue)
Brevo é un servidor de correo electrónico transaccional recomendado.
Dá servizo a máis de 80.000 empresas en crecemento de todo o mundo e envía máis de 30 millóns de correos electrónicos cada día.
Os seus expertos en entregabilidade de correo electrónico traballan constantemente para optimizar a fiabilidade e a velocidade da súa infraestrutura SMTP. Brevo ofrece aos usuarios 300 correos electrónicos gratuítos ao día.
Le a nosa documentación de Brevo para obter máis detalles.
Gmail SMTP (Gmail, Google Workspace, G Suite)
Moitas veces, os blogueiros e os propietarios de pequenas empresas non queren usar servizos SMTP de terceiros. Pois podes usar a túa conta de Gmail ou de Google Workspace (tamén coñecida como G Suite/Google Apps) para os correos electrónicos por SMTP.
Isto permíteche usar o teu enderezo de correo electrónico profesional e mellorar a entrega dos correos electrónicos.
A nosa opción de Gmail usa OAuth para identificar a túa conta de Google, así que o teu contrasinal de Google nunca se almacena no teu sitio.
WP Mail SMTP Pro tamén ofrece a opción «Configuración cun clic», que che permite comezar a enviar correos electrónicos desde a túa conta de Gmail con só uns poucos clics. Elimina a necesidade de configurar manualmente a túa propia aplicación de Google, un proceso técnico que leva moito tempo.
Le a nosa documentación de Gmail para obter máis detalles.
Elastic Email
Elastic Email é unha plataforma de márketing por correo electrónico na nube que ofrece ferramentas para campañas de correo electrónico, automatización, correos electrónicos transaccionais e analíticas, pensada para empresas de todos os tamaños. Elastic Email ofrece un plan gratuíto limitado co que podes enviar correos electrónicos aos teus enderezos verificados.
Le a nosa documentación de Elastic Email para obter máis detalles.
Mailgun
Mailgun SMTP é un popular provedor de servizos SMTP que che permite enviar grandes cantidades de correos electrónicos. Ofrece 5.000 correos electrónicos gratuítos ao mes durante 3 meses.
O plugin WP Mail SMTP ofrece unha integración nativa con MailGun. Só tes que conectar a túa conta de Mailgun e mellorarás a entrega dos teus correos electrónicos.
Le a nosa documentación de Mailgun para obter máis detalles.
Mailjet
Mailjet é un servizo global de envío de correo electrónico que che permite deseñar, enviar e facer o seguimento de correos electrónicos de márketing e transaccionais. Ofrece 6.000 correos electrónicos gratuítos ao mes (ata 200 correos electrónicos ao día).
O plugin WP Mail SMTP ofrece unha integración perfecta con Mailjet. Ao conectar a túa conta de Mailjet, podes mellorar a entregabilidade dos teus correos electrónicos e asegurarte de que os correos electrónicos de WordPress cheguen ás caixas de entrada dos teus destinatarios.
Le a nosa documentación de Mailjet para obter máis detalles.
SendGrid
SendGrid ten un plan SMTP gratuíto que podes usar para enviar ata 100 correos electrónicos ao día. Coa nosa integración nativa de SendGrid SMTP, podes configurar SendGrid SMTP de forma fácil e segura no teu sitio de WordPress.
Le a nosa documentación de SendGrid para obter máis detalles.
Postmark
Envía correos electrónicos de forma segura usando a túa conta de Postmark coa nosa integración mediante API. Podes rexistrarte nunha proba gratuíta sen tarxeta de crédito, que che permite enviar ata 100 correos electrónicos ao mes.
Le a nosa documentación de Postmark para obter máis detalles.
SparkPost
SparkPost é un provedor de correo electrónico transaccional no que confían grandes marcas e pequenas empresas. Envía máis de 4 billóns de correos electrónicos cada ano e informa dun tempo de actividade do 99,9 %. Podes comezar coa conta de proba gratuíta, que che permite enviar ata 500 correos electrónicos ao mes.
Le a nosa documentación de SparkPost para obter máis detalles.
SMTP2GO
SMTP2GO é un provedor de correo electrónico transaccional que ofrece un servizo de entrega de correo sólido e fiable, con infraestrutura global, analíticas en tempo real e funcións de seguranza avanzadas. Se estás comezando, podes usar o plan gratuíto de SMTP2GO para enviar ata 1000 correos electrónicos ao mes.
Le a nosa documentación de SMTP2GO para obter máis detalles.
Microsoft (Outlook.com e Office 365)
O servidor de correo Microsoft 365 / Outlook é unha gran opción se xa usas os servidores de correo electrónico de Microsoft (Outlook, Office 365, Microsoft 365 ou Hotmail). Debido á configuración manual bastante complexa da aplicación de Microsoft, recomendamos a Configuración cun clic, que che permitirá telo funcionando en só uns segundos.
Le a nosa documentación de Outlook e Microsoft 365 para obter máis detalles.
Amazon SES
Os usuarios avanzados ou técnicos poden aproveitar a potencia de Amazon AWS (Amazon Web Services) co servidor de correo Amazon SES. Con esta integración, podes enviar un gran volume de correos electrónicos a un prezo moi razoable.
Le a nosa documentación de Amazon SES para obter máis detalles.
Zoho Mail
Envía correos electrónicos usando a túa conta persoal ou de empresa de Zoho Mail, mantendo sempre seguras as túas credenciais de acceso.
Le a nosa documentación de Zoho Mail para obter máis detalles.
Outro SMTP
O plugin WP Mail SMTP tamén funciona con todos os principais servidores de correo electrónico, como Gmail, Yahoo, Outlook, Microsoft Live e calquera outro servidor de correo de correo electrónico que ofreza SMTP.
Podes establecer as seguintes opcións:
- Especifica un servidor SMTP.
- Especifica un porto SMTP.
- Elixe o cifrado SSL / TLS.
- Elixe se queres usar a identificación SMTP ou non.
- Especifica un nome de usuario e un contrasinal SMTP.
Para ver os axustes recomendados para os servizos máis populares, así como consellos para solucionar problemas, consulta a nosa documentación de SMTP.
-
Podo usar este plugin para enviar correos electrónicos mediante o SMTP de Gmail, G Suite, Outlook.com, Office 365, Hotmail, Yahoo ou AOL?
-
Si! Temos unha documentación ampla que explica como configurar o SMTP dos servidores de correo electrónico máis populares.
Le a nosa documentación para ver os axustes SMTP correctos para cada servizo.
-
Axuda! Necesito soporte ou teño un problema.
-
Le a nosa política de soporte para obter máis información.
Hai soporte limitado dispoñible para os usuarios de WP Mail SMTP a través dos foros de soporte de WordPress.org.
O soporte por correo electrónico e a axuda coa configuración están dispoñibles para os usuarios de WP Mail SMTP Pro.
-
Como podo migrar desde outro plugin de SMTP a WP Mail SMTP?
-
Queres cambiar do teu antigo plugin de SMTP a WP Mail SMTP? Puxémolo fácil para que migres os teus axustes SMTP cun só clic!
WP Mail SMTP detectará automaticamente o teu plugin de SMTP actual (Easy WP SMTP, FluentSMTP, etc.) cando executes o noso sinxelo asistente de configuración. Só tes que facer clic en Importar para copiar os teus axustes.
A nosa ferramenta de migración cun clic admite todos estes plugins:
- Easy WP SMTP
- FluentSMTP
- Post SMTP Mailer
- SMTP Mailer
- WP SMTP
-
WP Mail SMTP está dispoñible noutros idiomas?
-
Sabemos que a maioría da xente non fala inglés, polo que traducimos profesionalmente WP Mail SMTP e WP Mail SMTP Pro aos seguintes idiomas:
- Español (España),
- Alemán,
- Portugués (Brasil),
- Italiano,
- Francés,
- Xaponés,
- Polaco,
- Neerlandés,
- Ruso,
- Turco
-
Como podo aumentar a seguranza do plugin?
-
O equipo de WP Mail SMTP toma a seguridade moi en serio. Hai varias opcións dispoñibles para axudarte a manter o teu sitio seguro.
-
As integracións directas con servidores de correo SMTP (recomendadas), como SendLayer, SMTP.com, Brevo (antes Sendinblue), Mailgun, SendGrid, Postmark, SparkPost e SMTP2GO, usan as API oficiais dos provedores. Isto significa que nunca introduces o teu nome de usuario nin o teu contrasinal nos axustes do plugin e que estas credenciais non se gardan na base de datos. No seu lugar, usamos tokens ou claves de API, que son moito máis seguros.
-
Cando usas o servidor de correo Outro SMTP, ofrecemos a opción de inserir o teu contrasinal no teu ficheiro
wp-config.php, para que non sexa visible nos teus axustes de WordPress nin se garde na base de datos.
-
-
Atopei un fallo. E agora que?
-
Se atopaches un fallo, informa del no repositorio de WP Mail SMTP en GitHub. GitHub é onde se desenvolve activamente o plugin, e publicalo alí fará que os nosos desenvolvedores (Slava e mais eu) vexan axiña o teu problema. Unha vez publicado, revisaremos o teu informe e clasificaremos o fallo. Ao crear unha incidencia, canto máis detalles engadas ao teu informe, máis rápido se poderá solucionar o fallo.
-
Podedes engadir as características x, y ou z ao plugin?
-
Resposta curta: quizais.
Por suposto, contacta connosco para comentar as características ou opcións que che gustaría que engadísemos ao plugin. Non podemos garantir que as engadamos todas, pero teremos en conta todas as peticións razoables. Podes contactar connosco aquí:
https://wpmailsmtp.com/contact/.
Comentarios
Colaboradores e desenvolvedores
“WP Mail SMTP by WPForms – Plugin SMTP gratuíto con Gmail, Outlook, Amazon SES, SendGrid, Mailgun, Zoho & outros SMTP” é un software de código aberto. As seguintes persoas colaboraron con este plugin.
Colaboradores
“WP Mail SMTP by WPForms – Plugin SMTP gratuíto con Gmail, Outlook, Amazon SES, SendGrid, Mailgun, Zoho & outros SMTP” foi traducido a 40 idiomas. Grazas aos desenvolvedores polas súas contribucións.
Interesado no desenvolvemento?
Revisa o código, bota unha ollada aorepositorio SVN, ou subscríbete ao log de desenvolvemento por RSS.
Rexistro de cambios
4.10.2 – 2026-10-08
- Cambiado: O asistente de configuración agora volve á páxina do Escritorio en lugar de a Axustes cando se remata ou se pecha.
- Cambiado: Melloráronse as traducións na área de administración e nos correos electrónicos que envía o plugin.
- Corrixido: Podía producirse un erro fatal «Class not found» xusto despois de actualizar o plugin en sitios con PHP OPcache activado.
4.10.1 – 2026-10-07
- Cambiado: mellorouse a seguridade e a privacidade en todo o plugin, incluíndo o almacenamento de arquivos temporais e as solicitudes a servizos externos.
- Corrixido: algunhas etiquetas do asistente de configuración e a data de instalación de Lite en Saúde do sitio non se podían traducir.
- Corrixido: as pantallas de entradas, páxinas e o editor de entradas fallaban cun erro fatal en aloxamentos sen a extensión intl de PHP cando outro plugin, como All in One SEO, usaba as funcións IDN de intl mentres se empregaba o mailer de Gmail.
4.10.0 – 2026-09-30
- Added: Nova páxina do Escritorio, agora a pantalla por defecto de WP Mail SMTP, con estatísticas de correo electrónico, resumo da configuración, estado da conexión e os seguintes pasos recomendados.
- Added: Setup Checklist: unha nova páxina que te guía para conectar un mailer, enviar un correo electrónico de proba e o resto da configuración do correo electrónico, co progreso rexistrado automaticamente.
- Added: Email Detective: unha nova pestana na páxina de Ferramentas que envía un correo electrónico de proba a través da túa conexión principal e che envía por correo electrónico un informe gratuíto de entregabilidade que abrangue identificación, listas de bloqueo e puntuación do filtro de spam.
- Added: O asistente de configuración agora verifica os axustes do teu mailer co teu provedor de correo electrónico antes de gardalos e guíate por cada axuste necesario do mailer en pasos numerados.
- Changed: A proba de correo electrónico do asistente de configuración agora informa do erro de envío exacto cos pasos para corrixilo, nomea o axuste que falla cando se pode identificar e mostra os resultados do verificador de dominio.
- Changed: Actualizada a biblioteca Action Scheduler á versión 4.1.0.
- Fixed: O plugin non se podía activar nalgúns sitios e fallaba cun erro fatal cando as súas datas de activación almacenadas se gardaran nun formato inesperado.
- Fixed: Rexistrábase un erro da base de datos e o aviso de erro de correo electrónico do widget do Escritorio nunca aparecía en sitios cuxo servidor MySQL trata as aspas dobres como identificadores (modo ANSI_QUOTES).
- Fixed: O correo electrónico de proba do asistente de configuración non se enviaba mentres a opción «Do Not Send» estaba activada.
- Corrixido: Reforzáronse as comprobacións de permisos e a xestión das peticións en varias características da administración para solucionar posibles problemas de seguridade.
4.9.0 – 2026-06-26
- Engadido: Comandos de WP-CLI para configurar WP Mail SMTP desde a liña de comandos, incluída a configuración de servidores de correo SMTP e con clave de API e a xestión individual dos axustes.
- Engadido: Pestana «Code Snippets» na páxina «Ferramentas» para consultar, previsualizar e instalar os fragmentos de código de WPCode de WP Mail SMTP.
- Engadido: Compatibilidade coa Abilities API de WordPress (WordPress 6.9), que permite que as ferramentas conectadas e os asistentes de IA lean de forma segura os teus eventos de depuración.
- Engadido: Opción para desactivar cun clic un plugin en conflito directamente desde o aviso de conflito.
- Engadido: Solicitude de confirmación antes de activar a opción «Ocultar os erros de entrega do correo electrónico», para que o axuste non se active por erro.
- Cambiado: Mellorouse a xestión de erros e a guía de resolución de problemas cando falla o envío dun correo electrónico.
- Cambiado: Actualizouse a biblioteca Action Scheduler á versión 4.0.0.
- Corrixido: A estatística «Última semana» do correo electrónico de resumo semanal de Lite mostraba o reconto da semana actual, que acababa de comezar, en vez do total real da semana anterior, porque o correo envíase os luns ás 2 da tarde.
- Corrixido: Reforzáronse as comprobacións de permisos e a xestión das peticións en varias características da administración para solucionar posibles problemas de seguridade.
4.8.0 – 2026-04-16
- Engadido: SendLayer Quick Connect – permite conectarse a SendLayer en 2 minutos sen configurar o DNS.
- Cambiado: Mellorouse a seguridade do plugin.
4.7.1 – 2025-11-26
Engadido: Arquivo blueprint para WordPress Playground.
Corrixido: Dominio de texto nun par de cadeas.
Cambiado: A opción Return-Path pasou a estar activada por defecto para aliñarse co núcleo de WordPress.
4.7.0 – 2025-11-12
- Engadido: Novo servidor de correo transaccional: integración con Resend.
- Corrixido: A tarefa recorrente enchía a táboa de metadatos das tarefas.
4.6.0 – 2025-08-26
- Engadido: Novo servidor de correo transaccional: integración con Mandrill.
- Corrixido: As cabeceiras de correo electrónico References e In-Reply-To agora consérvanse correctamente nos servidores de correo baseados en API.
4.5.0 – 2025-06-05
- IMPORTANTE: Retirouse a compatibilidade con PHP 7.2. Se estás a usar esta versión, DEBES actualizar PHP antes de instalar ou actualizar a WP Mail SMTP v4.5. Se non o fas, desactivarase a funcionalidade de WP Mail SMTP.
- Engadido: Novo servidor de correo transaccional: integración con MailerSend.
- Corrixido: Descartar o aviso de obsolescencia da identificación básica de Microsoft Outlook.
- Cambiado: Actualizouse a lista de plugins en conflito (engadíronse Site Mailer, SureMail e Gravity SMTP).
4.4.0 – 2025-03-05
- Corrixido: Problema de bloqueo mutuo (deadlock) na tarefa de Action Scheduler do executor da cola de correos electrónicos.
- Corrixido: Advertencia de clave de array non definida “wp_mail_smtp_reports_widget_lite” no widget do escritorio.
4.3.0 – 2024-12-11
- Engadido: Novo servidor de correo transaccional: integración con Elastic Email.
- Cambiado: O menú «Ferramentas -> Accións programadas» agora está sempre visible cando WooCommerce ou o plugin Action Scheduler están activos.
- Corrixido: Os campos de contrasinal e nome de usuario SMTP ignoraban a constante
WPMS_SMTP_AUTH.
4.2.0 – 2024-11-06
- Engadido: Novo servidor de correo transaccional: integración con Mailjet.
- Cambiado: Mellorouse a seguridade dos datos sensibles (claves de API).
- Corrixido: Xestión dos caracteres especiais no nome do remitente no servidor de correo SMTP2GO.
4.1.1 – 2024-08-15
- Cambiado: Elimínase o cartafol de subidas
wp-mail-smtpao desinstalar o plugin, se a opción «Varios > Desinstalar» está activada. - Cambiado: Reduciuse o tempo de espera de
PHPMailerde 5 minutos a 30 segundos. - Cambiado: Mellorouse o envío do correo electrónico de resumo semanal.
- Corrixido: Faltaba a compatibilidade con Reply-To no servidor de correo SMTP2GO.
- Corrixido: As traducións do asistente de configuración non funcionaban correctamente.
4.1.0 – 2024-07-17
- Engadido: Novo servidor de correo transaccional: SMTP2GO.
- Cambiado: As tarefas recorrentes da cola de correos electrónicos elimínanse agora despois de completarse.
- Corrixido: Espazo de nome incorrecto nos polyfills de Symfony para PHP 8.0x.
- Corrixido: Todas as tarefas pendentes en segundo plano cancélanse agora ao desactivar o plugin.
4.0.1 – 2024-02-29
- Engadido: Envío optimizado de correos electrónicos – move as peticións de envío de correo electrónico a un proceso en segundo plano e acelera o teu sitio.
- Engadido: Migracións automáticas da estrutura das táboas da base de datos despois de actualizar o plugin.
- Cambiado: Mellorouse a xestión de erros ao enviar correos electrónicos.
- Corrixido: Erro de base de datos ao engadir eventos de depuración se a táboa
wpmailsmtp_debug_eventsnon existe.
3.11.1 – 2024-01-22
- Corrixido: Textos do asistente de configuración.
- Corrixido: Compatibilidade coa cabeceira List-Unsubscribe.
3.11.0 – 2023-12-13
- Engadido: Filtro para personalizar a capacidade necesaria para xestionar o plugin.
- Cambiado: Ocúltase aos usuarios novos o aviso do traslado da pestana de proba.
- Cambiado: Melloráronse os estilos de navegación co teclado do asistente de configuración.
- Cambiado: Eliminouse a clase
WPMailSMTP\Admin\PluginsInstallUpgradere pasouse a usar a clasePlugin_Upgraderdo núcleo de WordPress. - Cambiado: O despregable «Correo electrónico remitente» pasou a ser un campo de texto no servidor de correo Gmail.
- Corrixido: Avisos de obsolescencia de PHP no asistente de configuración en WordPress 6.4 e posteriores.
- Corrixido: Problema de compatibilidade con versións de Action Scheduler anteriores á 3.3.0.
3.10.0 – 2023-11-08
- Engadido: Filtro que permite usar o URL da túa web como URL de redirección de Google OAuth.
- Cambiado: Mellorouse a interface dos axustes do plugin, cambiando as caixas de verificación por interruptores e limpando algúns separadores.
- Cambiado: Substituíuse a biblioteca moment.js pola incluída no núcleo de WP.
- Corrixido: Cadeas de tradución no widget do escritorio.
3.9.0 – 2023-08-30
- Cambiado: A pestana «Correo de proba» moveuse da páxina de axustes á páxina de ferramentas.
- Cambiado: Eliminouse a biblioteca SDK de Sendinblue porque quedara obsoleta.
- Cambiado: Instrucións da API de Mailgun.
- Corrixido: Desprazamento da ventá emerxente de detalles dos eventos de depuración.
- Corrixido: Conflito con outros plugins (Alt Manager) que facía inutilizable a páxina de instalación de plugins de WP.
3.8.2 – 2023-07-20
- Cambiado: Mellorouse o formato e os estilos dos avisos.
- Cambiado: Sendinblue pasou a chamarse Brevo.
- Corrixido: Establécese explicitamente a cabeceira «Content-Type» no correo electrónico de proba HTML.
3.8.0 – 2023-04-26
- IMPORTANTE: Retirouse a compatibilidade con PHP 5.6, 7.0 e 7.1. Se estás a usar algunha desas versións, DEBES actualizar PHP antes de instalar ou actualizar a WP Mail SMTP v3.8. Se non o fas, desactivarase a funcionalidade de WP Mail SMTP.
- Cambiado: Actualizouse a biblioteca Moment.js á versión 2.29.4.
- Cambiado: Eliminouse a biblioteca sodium_compat, que non era necesaria.
- Corrixido: Enderezos de correo electrónico con apóstrofos na páxina «Correo de proba».
- Corrixido: Visualización do aviso de solicitude de valoración na área de administración dos subsitios nunha instalación de WP Multisite.
- Corrixido: O asistente de configuración reproducía o himno de Ucraína nalgúns sitios de WP.
3.7.0 – 2022-12-15
- Cambiado: Mellorouse a limpeza dos datos de Action Scheduler ao desinstalar o plugin.
- Cambiado: Mellorouse o rendemento das comprobacións de validación das táboas da base de datos.
- Corrixido: Erro na táboa da base de datos de metadatos das tarefas.
- Corrixido: Erro de autorización do servidor de correo Gmail se a aplicación oAuth xa tiña anexados outros ámbitos alleos ao correo.
- Corrixido: Validación do enderezo de correo electrónico no asistente de configuración.
- Corrixido: Eliminouse código innecesario de carga automática de bibliotecas de Composer.
- Corrixido: Detección de conflitos co plugin Sendinblue – WooCommerce Email Marketing (v3.0+)
3.6.1 – 2022-10-06
- Engadido: Traza (backtrace) da chamada á función
wp_mailnos eventos de depuración se a opción «Depuración do envío de correos electrónicos» está activada. - Engadido: Proceso de recreación das táboas da base de datos do plugin en Saúde do sitio de WP.
- Engadido: Axuste do período de conservación dos eventos de depuración.
- Cambiado: Actualizouse a lista de plugins en conflito (engadiuse Zoho Mail).
- Cambiado: Melloráronse os avisos de administración dos plugins en conflito (mostra varios á vez)
- Cambiado: Pasouse a usar a función
is_emaildo núcleo de WP para comprobar os enderezos de correo electrónico. - Cambiado: Mellorouse a detección de se a función
wp_mailestá sobrescrita. - Corrixido: O servidor de correo Gmail non usaba o enderezo de correo electrónico do remitente correcto no comprobador de dominios.
- Corrixido: Navegación polos pasos do asistente de configuración ao retroceder.
3.5.2 – 2022-08-17
- Corrixido: A comprobación de se a función
wp_mailestá sobrescrita en servidores Windows.
3.5.1 – 2022-07-14
- Cambiado: Eliminouse MailPoet da lista de plugins en conflito.
- Corrixido: Advertencia de PHP por unha variable non definida ao usar o servidor de correo «Por defecto (ningún)».
3.5.0 – 2022-07-14
- Engadido: Comprobación de se a función
wp_mailestá sobrescrita. - Engadido: Limpeza da táboa da base de datos (
wpmailsmtp_tasks_meta) despois da execución das accións programadas. Mantén pequeno o tamaño da base de datos. - Cambiado: Actualizouse a lista de plugins en conflito (engadíronse Branda e MailPoet).
- Cambiado: Actualizouse a biblioteca Action Scheduler á versión 3.4.2.
- Corrixido: Codificación do contido do correo electrónico no servidor de correo SMTP.com.
- Corrixido: Gráfico do widget do escritorio cando non hai datos de rexistros de correo electrónico.
- Corrixido: Faltaba o filtro de WP para o corpo do correo electrónico de Sendinblue.
- Corrixido: Conflitos da biblioteca Chart.js con outros plugins.
3.4.0 – 2022-04-27
- Engadido: Novo servidor de correo transaccional: integración con SendLayer.
- Cambiado: Mellorouse a extracción das mensaxes de erro da API de Mailgun.
- Cambiado: Normalizouse o formato das mensaxes de erro e mellorouse a extracción dos erros das peticións remotas de WP.
- Corrixido: As accións de desinstalación do plugin Lite borraban as opcións do plugin mentres a versión Pro estaba activa.
- Corrixido: Ocúltanse os avisos de administración da rede non relacionados nas páxinas de WP Mail SMTP.
3.3.0 – 2022-02-17
- IMPORTANTE: Retirouse a compatibilidade coas versións de WordPress 5.1.x ou inferiores. Se estás a usar algunha desas versións, DEBES actualizar WordPress antes de instalar ou actualizar a WP Mail SMTP v3.3. Se non o fas, desactivarase a funcionalidade de WP Mail SMTP.
- Engadido: Compatibilidade con PHP 8.1.
- Cambiado: Actualizouse a lista de plugins en conflito (engadíronse FluentSMTP e WP HTML Mail).
- Cambiado: Mellorouse a mensaxe de erro de depuración do servidor de correo «Outro SMTP» nos eventos de depuración.
- Cambiado: Actualizouse a biblioteca Action Scheduler á versión 3.4.0.
- Cambiado: Mellorouse o rendemento de Action Scheduler.
- Corrixido: Avisos de obsolescencia de PHP na biblioteca de Sendinblue (PHP 7.4+).
- Corrixido: A fila das táboas da base de datos na sección de información de Saúde do sitio agora é privada.
- Corrixido: As opcións da pantalla dos eventos de depuración víanse na páxina xeral de ferramentas.
- Corrixido: Aliñamento á dereita de «Opcións da pantalla».
3.2.1 – 2021-11-17
- Corrixido: Compatibilidade con PHP 8 cando se revoga a conexión existente do servidor de correo Gmail.
3.2.0 – 2021-11-11
- Engadido: Novo servidor de correo transaccional – integración con SparkPost.
- Engadido: Migración cun clic desde o plugin FluentSMTP.
- Engadido: Integración das constantes do plugin no asistente de configuración.
- Corrixido: Problema de desactivación prematura do plugin con plugins de rexistro de actividade.
3.1.0 – 2021-09-28
- Engadido: Novo servidor de correo transaccional – integración con Postmark.
- Engadido: Compatibilidade con adxuntos en forma de cadea (engadidos mediante o obxecto PHPMailer).
- Cambiado: Mellorouse a detección da orixe do correo electrónico nos eventos de depuración para os correos enviados polo núcleo de WP.
- Cambiado: Mellorouse o proceso de desinstalación. Agora elimina todos os datos e táboas do plugin da base de datos.
- Corrixido: Detección da orixe do correo electrónico nos eventos de depuración para rutas de arquivo con barras invertidas.
- Corrixido: Imaxes borrosas no resumo semanal por correo electrónico.
- Corrixido: A extensión de PHP mb_strings non tiña un polyfill correcto.
- Corrixido: Engadíronse os filtros is_email_sent que faltaban nos servidores de correo Sendinblue, Mailgun e Gmail.
- Corrixido: Dobre gardado na base de datos dos eventos de depuración por un fallo no método is_email_sent nalgúns servidores de correo.
3.0.3 – 2021-08-09
- Corrixido: Envío do correo electrónico de resumo semanal cando o código de migración aínda non se executara.
3.0.2 – 2021-08-05
- Corrixido: Erro fatal de PHP en WP 5.2 e versións inferiores (faltaba a función wp_timezone).
3.0.1 – 2021-08-05
- Engadido: Resumo semanal por correo electrónico – estatísticas de envío de correo electrónico enviadas á túa caixa de entrada.
- Engadido: Eventos de depuración – rexistro de todos os erros de envío de correo electrónico e dos eventos de depuración.
- Engadido: Ligazóns rápidas na área de administración.
- Cambiado: Actualizouse a pantalla de proba de correo electrónico realizada con éxito.
- Cambiado: Actualizouse a biblioteca Action Scheduler á versión 3.2.1.
- Corrixido: Icona de carga da administración do núcleo de WP no widget do escritorio.
- Corrixido: Erro de PHP cando se usaban obxectos que implementan o método
__invoke()como funcións de retorno (callbacks) de ganchos para avisos de administración.