Adaptación do comunicado orixinal, en inglés, de Matt Mullenweg.
Comprácenos anunciar que o WordPress 3.2 está a disposición de todo o mundo, ben sexa como unha actualización no panel ou como unha descarga en gl.WordPress.org. A versión 3.2 é o noso décimo quinto grande lanzamento de WordPress e chega exactamente catro meses despois da versión 3.1 (que casualmente superou a marca de 15 millóns de descargas esta mesma mañá), o que reflicte a crecente velocidade de desenvolvemento na comunidade WordPress e a nosa dedicación para poñer melloras nas vosas mans tan axiña como é posible. Desta volta dedicamos este lanzamento ao notable compositor e pianista George Gershwin.
A versión 3.2 precisa do PHP 5.2.4 e do MySQL 5.0. Se non sabes onde atopar esa información no teu servizo de aloxamento, non te preocupes. Podes descubrir se estás preparado para a versión 3.2 co plugin Health Check. No teu panel de WordPress, visita “Plugins → Engadir novo” e busca por “Health Check” (normalmente é o primeiro resultado). Instala e activa o plugin, que logo che dirá se necesitas actualizar.
O obxectivo para este lanzamento foi fazer o WordPress máis rápido e lixeiro. O primeiro que notarás cando inicies unha sesión na versión 3.2 é un renovado deseño do panel que reduce o tamaño da tipografía, do deseño e do código por detrás da administración. Se estás a comezar un novo blogue, tamén apreciarás o novo tema Twenty Eleven, desenvolvido por completo en HTML5, cumplíndose así o noso plan de reemplazar o tema predeterminado todos os anos. Empeza a escribir o teu primeiro artigo no noso renovado editor de artigos e aventúrate a premer o botón de pantalla completa da barra de ferramentas de edición, para entrares na nova escritura libre de distraccións ou modo zen, a miña característica preferida deste lanzamento. Todos os widgets, menús, botóns, e elementos do entorno ocúltanse para deixar que compoñas e edites o que pensas nun ambiente completamente limpo e propicio para escribires. E tamén, cando achegues o punteiro á parte superior da pantalla, os teus atallos máis usados estarán aí, onde os necesitas.
Baixo a capa existen numerosas melloras. Nada menos que a racionalización, facilitada polo plano que anunciamos previamente, no que se plantexaba retirar o soporte ao PHP4, ás versións antigas de MySQL e a navegadores antigos como IE6. Isto permitiunos sacar proveito de máis recursos fornecidos polas novas tecnoloxías. A barra de administración posúe algúns atallos máis para as funcións usadas con maior frecuencia. Na pantalla de moderación de comentarios, o novo recurso de aprobar e responder axiliza a xestión de conversas. Así mesmo, notarás que agora só actualizamos os ficheiros que sufriron cambios en cada novo lanzamento, en vez de actualizar cada un dos ficheiros da túa instalación de WordPress, o que fai que as actualizacións sexan significativamente máis rápidas. Tamén hai algunhas características divertidas nos temas, que se poden ver en Twenty Eleven, como por exemplo, a posibilidade de ter varias imaxes de cabezallo rotativas para poñer en destaque todas as túas fotos favoritas.
E aínda hai máis cousas, como as nosas novas liberdades e pantallas de créditos (enlazadas desde o pé de páxina do teu panel). Para coñecer o resto da historia, olla a páxina do Codex para a versión 3.2 ou o Trac milestone (marco miliario) que inclúe os máis de 400 tickets pechados neste lanzamento.
Un esforzo da comunidade
Agora por fin temos unha páxina de créditos dentro do propio WordPress (que aínda terá unha chamante revisión que chegará na versión 3.3). Aínda así, para a posteridade, imos dar unha salva de palmas a esta refinada xente que contribuíu á versión 3.2:
Aaron Brazell, Aaron Campbell, Aaron Jorbin, Adam Harley, Alex Concha, ampt, Andrew Nacin, Andrew Ozz, andrewryno, andy, Austin Matzko, BenChapman, Ben Dunkle, bluntelk, Boone Gorges, Brandon Allen, Brandon Burke, Caspie, cfinke, charlesclarkson, chexee, coffee2code, Cristi Burcă, daniloercoli, Daryl Koopersmith, David Cowgill, David Trower, demetris, Devin Reams, Dion Hulse, dllh, Dominik Schilling, Doug Provencio, dvwallin, Dylan Kuhn, Eric Mann, fabifott, Franklin Tse, Frumph, garyc40, Glenn Ansley, guyn, hakre, hebbet, Helen Hou-Sandi, hew, holizz, Ian Stewart, Jacob Gillespie, Jane Wells, Jayjdk, Jeff Farthing, Joachim Kudish, joelhardi, John Blackbourn, John Ford, John James Jacoby, JohnONolan, Jon Cave, joostdevalk, Jorge Bernal, Joseph Scott, Justin Sternberg, Justin Tadlock, kevinB, Knut Sparhell, kovshenin, Kuraishi, Lance Willett, linuxologos, lloydbudd, Luc De Brouwer, marcis20, Mark Jaquith, Mark McWilliams, Martin Lormes, Matías Ventura, Matt Martz, Matt Thomas, MattyRob, mcepl, mdawaffe, Michael Fields, MichaelH, michaeltyson, Mike Schroder, Milan Dinić, mintindeed, mitchoyoshitaka, Mohammad Jangda, mrroundhill, natecook, nathanrice, Niall Kennedy, Nick Bohle, Nikolay Bachiyski, nuxwin, Otto, pavelevap, pete.mall, Peter Westwood, Prasath Nadarajah, Ptah Dunbar, Rafael Poveda, Rahe, Ramiy, Rasheed Bydousi, Reuben Gunday, Robert Chapin, Ron Rennick, Ross Hanney, Ryan Boren, Ryan Imel, Safirul Alredha, Samir Shah, saracannon, sbressler, Sergey Biryukov, shakenstirred, Sidney Harrell, Simon Prosser, sorich87, szadok, tetele, tigertech, trepmal, Utkarsh Kukreti, valentinas, webduo, Xavier Borderie, Yoav Farhi, Ze Fontainhas, and ziofix.
Un esforzo máis: o da comunidade de tradutores
Neste lanzamento de WordPress temos a tradución ao galego no 100%, tanto para o núcleo como para os temas predeterminados e o módulo MultiSite. Desde a comunidade, como sempre, pedímosche a túa axuda para termos un WorPress mellor, cunha tradución de calidade. Dediquemos outra salva de palmas aos membros do grupo de localización de WordPress ao galego e aos que fixeron a súa achega a través do GlotPress.
Extra: Nos seus perfís de WordPress.org, máis de 20.000 persoas xa dixeron que fan a súa vida desde WordPress. Es ti unha destas persoas? Non esquezas empregar un minuto na nosa pescuda.
