WordPress 3.8.3 en ingles

Nos seus cadros de anuncios apareceu para actualizar á versión 3.8.3 en inglés (e 3.7.3 para os que aínda usan a rama 3.7) só un día despois do lanzamento do 3.8.2  e un par de días do inglés. Esta é unha actualización para corrixir un erro introducido na versión 3.8.2 e que afecta o widget “Borrador rápido” na pantalla principal do cadro de avisos. Coa actualización debne reaparecer os borradores perdidos.

Neste momento, o sistema de xeración de versións lingüísticas está dando algúns problemas para moitos tradutores e non son capaz de xerar a versión galega, polo momento, espero que nas próximas horas poda resolve-lo. En calqueira caso, non hai cambios nas liñas de traducion asi que podes actualizar coa versión en inglés e a tradución será compatible.

en canto teña novedades avisarei aqui e en egalego.com

saudos

WordPress 3.7 en galego

Xa está dispoñible para descarga ou instalación dende o Escritorio a versión 3.7 de WordPress, as principais novidades son as seguintes:

  • Actualizacións automáticas en segundo plano: nunca máis terás que actualizar versións de seguridade ou mantemento pois WordPress actualizarase en segundo plano e sen necesidade de intervención do usuario. Isto só afecta a versións menores (p.ex: da versión 3.7 á 3.7.1).
  • Actualización automática de traduccions de WordPress: as traduccions do teu  idioma, se varian, tamén se actualizarán automaticamente.
  • Novo sistema de comprobación de contrasinais, que detecta erros comúns na xeración de claves por parte do usuario.
  • Melloras no buscador interno, que agora amosará os resultados por relevancia e xerarquía.
  • Mellora nas queries por data de WP_Query

 

WordPress 3.5.2 está dispoñible e 100% en galego!

Logo WP en galego 100%

WordPress 3.5.2 está dispoñible e 100% en galego!

Con todo, isto non acaba aquí. Poden existir erros na tradución que debemos ir corrixindo. Ademais, a versión 3.6 está en desenvolvemento (xa na fase beta4) e poden aparecer novas liñas para traducir. Tamén temos outros proxectos relacionados con WordPress que necesitan ser traducidos. Rexístrate e colabora connosco!

A 3.5.2 é a segunda versión de mantemento da 3.5, na que se corrixiron 12 bugs. Tamén é unha versión de seguranza para todas as versión antigas de WordPress. Para ver unha lista completa de cambios podedes consultar o anuncio oficial (en inglés).

As correccións máis destacables son as seguintes:

  • Bloqueo de ataques de peticións falsas dende o servidor, que poderían permitir a un atacante ter acceso a unha web.
  • Desactiva que os perfís de Colaborador poidan publicar entradas ou que se cambie a autoría de entradas.
  • Actualizouse a libraría externa de SWFUPLOAD para solucionar vulnerabilidades XSS, realmente perigosas.
  • Engade protección contra ataques de denegación de servizo (DDOS) que podería estar afectando a entradas protexidas por contrasinal.
  • Actualizouse a libraría externa do editor TINYMCE para solucionar unha vulnerabilidade XSS.
  • Unha boa cantidade adicional de solucións a XSS.
  • Agora non se permite a visualización da ruta completa a un ficheiro cando hai un erro a carga do mesmo.

Descarga xa a versión 3.5.2 ou, desde o menú de administración do teu sitio, visita Panel → Actualizacións.

WordPress 3.5.1 dispoñible e 100% en galego

Logo WP en galego 100%

WordPress 3.5.1 está dispoñible e 100% en galego!

Con todo, isto non acaba aquí. Poden existir erros na tradución que debemos ir corrixindo. Ademais, a versión 3.6 está en desenvolvemento e poden aparecer novas liñas para traducir. Tamén temos outros proxectos relacionados con WordPress que necesitan ser traducidos. Rexístrate e colabora connosco!

A 3.5.1 é a primeira versión de mantemento da 3.5, na que se corrixiron 37 bugs. Tamén é unha versión de seguranza para todas as versión antigas de WordPress. Para ver unha lista completa de cambios podedes consultar a lista de tickets e o changelog (en inglés).

As correccións máis destacables son as seguintes:

  • Editor: Evitar que certos elementos HTML sexan eliminados ou modificados en casos excepcionais.
  • Multimedia: Corrixir problemas menores de fluxo de traballo e compatibilidade no xestor de novos elementos multimedia.
  • Redes: Propor as regras de sobreescritura axeitadas ao crear unha nova rede.
  • Evitar que nas publicacións programadas desapareza código HTML, como o dos vídeos incorporados.
  • Solucionar algúns erros de configuración que poden causar erros de JavaScript na área de administración do WordPress.
  • Eliminar algúns avisos que poden aparecer cando un plugin fai un mal uso da base de datos ou das APIs do usuario.

Ademais, un erro que afecta a servidores Windows rodando o IIS pode impedir a actualización de 3.5 a 3.5.1. Se recibes o erro “O directorio de destino para o streaming de ficheiros non existe ou non se pode escribir nel”, terás que seguir os pasos descritos no Codex (en inglés).

O WordPress 3.5.1 tamén aborda as seguintes cuestións de seguranza:

  • Unha vulnerabilidade do lado do servidor permite falsificacións e varrido de portos remotos usando pingbacks. Esta vulnerabilidade, que podería ser usada para expoñer información e comprometer un sitio web, afecta a todas as versións anteriores de WordPress. O problema foi corrixido polo equipo de seguranza de WordPress. Queremos agradecer aos investigadores de seguranza Gennady Kovshenin e Ryan Dewhurst as revisión do traballo dos desenvolvedores.
  • Dous casos de cross-site scripting vía códigos de acceso e contidos de artigos. Estes problemas foron descubertos por Jon Caverna do equipo de seguranza de WordPress.
  • Unha vulnerabilidade de cross-site scripting na biblioteca externa Plupload. Agradecemos ao equipo Moxiecode que traballaran coa xente de WordPress para liberar Plupload 1.5.5 e resolver este problema.

Descarga xa a versión 3.5.1 ou, desde o menú de administración do teu sitio, visita Panel → Actualizacións.