WordPress.org

About

Philosophy

Filosofía

Listo para funcionar

Un gran software debería funcionar cunha mínima configuración e instalación. WordPress está deseñado para que poidas empezar a utilizalo en menos de cinco minutos. Non deberías ter que batallar para usar a funcionalidade estándar de WordPress.

Traballamos duro para asegurarnos de que cada lanzamento se axuste a esta filosofía. Pedimos o menor número de detalles técnicos posibles durante o proceso de configuración, e ofrecemos explicacións completas de todo o que facemos.

Deseño para a maioría

Moitos usuarios finais de WordPress non teñen coñecementos técnicos. Non saben o que é AJAX, nin lles importa que versión de PHP están utilizando. O usuario medio de WordPress simplemente quere poder escribir sen problemas nin interrupcións. Estes son os usuarios para os que deseñamos o software, xa que en última instancia son os que van a pasar máis tempo usándoo para o que se creou.

Decisións, non opcións

Á hora de tomar decisións, estes son os usuarios aos que primeiro temos en conta. Un gran exemplo desta consideración son as opcións de software. Cada vez que lle dás a un usuario unha opción, estaslle pidindo que tome unha decisión. Cando a un usuario non lle interesa ou non entende a opción, ao final frústrase. Como desenvolvedores, a veces pensamos que ofrecer opcións para todo é bo, nunca se teñen demasiadas opcións, verdade? En última instancia, estas opcións acaban sendo técnicas, opcións que non interesan ao usuario final medio. É o noso deber como desenvolvedores tomar decisións de deseño intelixentes e evitar pór o peso das opcións técnicas nos nosos usuarios finais.

Limpo, lixeiro e rápido

O núcleo de WordPress sempre ofrecerá un conxunto sólido de características básicas. Está deseñado para ser áxil e rápido, e así seguirá sendo sempre. Constantemente pregúntannos «cando se engadirá a característica X?» ou «por que non está o plugin X integrado no núcleo?». A regra xeral é que o núcleo debe proporcionar características que o 80% ou máis dos usuarios finais aprecien e utilicen. Se a próxima versión de WordPress inclúe unha característica que a maioría dos usuarios quere desactivar de inmediato ou que cre que nunca utilizará, entón fastidiámola. Se nos atemos ao principio do 80%, isto non debería ocorrer nunca.

Podemos facer isto porque temos un sistema de plugins e temas moi capaz e unha fantástica comunidade de desenvolvedores. Diferentes persoas teñen diferentes necesidades, e ter a gran cantidade de plugins e temas de calidade de WordPress permite aos usuarios personalizar as súas instalacións ao seu gusto. Iso debería permitir a tódolos usuarios atopar o 20% restante e facer que tódalas funcións de WordPress sexan apreciadas e empregadas.

En busca da sinxeleza

Nunca nos conformamos coa simplicidada. Queremos que cada versión de WordPress sexa máis fácil de usar. Se non nos cres, bota unha ollada a algunhas versións anteriores de WordPress.

En versións anteriores demos pasos importantes para mellorar a facilidade de uso e, en última instancia, facer as cousas máis fáciles de entender. Un bo examplo disto son as actualizacións do software central. A actualización adoitaba ser unha dolorosa tarefa manual que resultaba demasiado complicada para moitos dos nosos usuarios. Decidimos centrarnos nisto e simplificalo a un só clic. Agora, calquera que teña unha instalación de WordPress pode realizar actualizacións cun só clic, tanto do núcleo de WordPress como de plugins e temas.

Encantaríanos desafiarnos e simplificar as tarefas de forma positiva para a experiencia xeral do usuario de WordPress. Cada versión de WordPress debería ser máis fácil e máis agradable de usar que a anterior.

Os prazos non son arbitrarios

Os prazos non son arbitrarios, son unha promesa que nos facemos a nós mesmos e aos nosos usuarios e que nos axuda a controlar as infinitas posibilidades de cousas que poderían formar parte de cada versión. Aspiramos a publicar tres versións maiores ao ano porque, mediante ensaio e erro, descubrimos que é un bo equilibrio entre incluír cousas interesantes en cada versión e non tanto como para acabar rompendo máis do que engadimos.

Os bos prazos case sempre obrigan a recortar algo dunha versión. Isto non é malo, é o que se supón que teñen que facer.

Retrasar un lanzamento para conseguir unha característica máis é unha tobo de coello. Unha vez fixémolo durante máis dun ano, e non foi agradable para ninguén.

Canto máis frecuentes e periódicos sexan os lanzamentos, menos importante será que unha determinada característica estea neste lanzamento. Se non se inclúe nesta, haberá que esperar uns meses ata a seguinte. Cando os lanzamentos se volven impredecibles ou escasos, hai máis presión para tratar de incluír algo máis, porque falta moito para o seguinte. Os retrasos enxendran retrasos.

A minoría ruidosa

Na cultura de Internet hai unha boa regra empírica chamada a regra do 1%. Afirma que «o número de persoas que crean contidos en Internet representa aproximadamente o 1% (ou menos) das persoas que realmente ven eses contidos».

Polo tanto, aínda que consideramos que é moi importante escoitar e responder a quen publica comentarios e expresa as súas opinións nos foros, só representan unha pequena fracción dos nosos usuarios finaiss. Ao tomar decisións sobre como avanzar con versións futuras de WordPress, buscamos involucrar a máis usuarios que non son tan activos online. Facemos isto ao reunirnos e falar cos usuarios de WordCamps en todo o mundo, isto danos un mellor equilibrio de comprensión e, en última instancia, permítenos tomar mellores decisioóns para que todos avancemos.

A nosa declaración de dereitos

WordPress está licenciado baixo a Licenza Pública Xeral (GPLv2 o posterior) que proporciona catro liberdades fundamentais, consideradas como a «declaración de dereitos» de WordPress:

  • A liberdade de executar o programa, con calquera propósito.
  • A liberdade de estudar como funciona o programa, e de cambialo para que faga o que ti queiras.
  • A liberdade de redistribuír.
  • A liberdade de distribuir a outros copias das túas versións modificadas.

Parte deses requisitos de licencia inclúen traballos derivados de licencias ou cousas que vinculan funcións centrais de WordPress (como temas, plugins, etc.) tamén baixo GPL, transmitindo tamén así a liberdade de uso para estes traballos.

Obviamente, haberá quen intentente sortear ests ideais e restrinxir a liberdade dos seus usuarios tratando de encontrar lagoas ou dalgunha maneira eludir a intención das licencias de WordPress, que é garantizar a liberdade de uso. Creemos que a comunidade como un todo recompensará a quen se centre en apoiar estas liberdades de licencia en lugar de tratar de evitalas.

A comunidade WordPress debería salientar que as liberdades que hai na GPL axudan a ofrecer software de maior calidade.