Saúda a WordPress 6.5 «Regina», inspirado na dinámica versatilidade da famosa violinista de jazz Regina Carter.
Artista galardoada e soada educadora de jazz coñecida por transcender os xéneros, os fundamentos técnicos de Regina na música clásica e o seu profundo coñecemento do jazz valéronlle a reputación de ir audazmente máis aló do que é posible co violín.
Déixache sorprender polos asombrosos xiros e sutís cambios do son de Regina, que transcende os xéneros, mentres exploras todo o que che ofrece 6.5.
Esta última versión de WordPress pon máis potencia nos detalles. Ofrece formas novas e melloradas de axustar e mellorar a experiencia de creación do teu sitio, permitíndoche tomar o control de formas que o fan teu.
Atoparás novas formas de xestionar a tipografía do teu sitio, revisións máis completas dispoñibles en máis lugares e unha colección de actualizacións do editor do sitio xunto con impresionantes melloras de rendemento que che axudarán a facer as cousas de forma máis fluída e rápida.
«Regina» tamén marca a introdución dalgunhas ferramentas de desenvolvemento revolucionarias que empezarán a transformar a forma de utilizar e ampliar os bloques para crear experiencias atractivas.
A API de interactividade abre un mundo de posibilidades creativas para a portada, mentres que a API de vinculación de bloques facilita as conexións dinámicas entre bloques e datos.
Estas, entre outras melloras e actualizacións orientadas aos desarrolladores, están listas para axudarche a evolucionar a túa forma de crear con WordPress.
Deixa unha resposta
Tes que iniciar sesión para publicar comentarios.