Presentamos a versión 5.9, Joséphine. Chamada así en honra á aclamada cantante internacional de jazz Joséphine Baker, esta última e máis versátil versión de WordPress xa está aquí: descárgaa ou actualízaa directamente desde o teu escritorio.
Xa está aquí a edición completa do sitio
Dáche o control de todo o teu sitio, directamente na administración de WordPress.
Saúda a Twenty Twenty- Two
O primeiro tema de bloques por defecto na historia de WordPress. Isto é máis que só un novo tema por defecto. É unha nova forma de traballar cos temas para WordPress.
Os temas de bloques poñen nas túas mans unha ampla gama de opcións visuais, desde esquemas de cor e combinacións de tipos de letra, ata persoais de páxina e filtros de imaxes — Todo xunto na interface de edición do sitio. Ao realizar cambios nun lugar, podes darlle a Twenty Twenty- Two a mesma aparencia que a túa marca ou a doutras webs — Ou levar a aparencia do teu sitio noutra dirección.
Xa tes dispoñible o tema Twenty Twenty- Two. Vén instalado con WordPress 5.9 e atoparalo cos teus outros temas instalados.