Ola! A segunda release candidate de WordPress 3.2 está dispoñible en galego. Se aínda non probaches WordPress 3.2, agora é o momento! Ainda que é mellor que non o fagas no teu sítio en producción, salvo que sexas extremadamente aventurado.
Tratáronse varias cuestións desde a RC1, incluíndo axustes adicionais no tema TwentyEleven, unha nova opción no soporte dos temas para predeterminar a presentación de cabezallos ao chou e varias correccións RTL.
Autores de plugins e temas, por favor, probade os vosos plugins e temas agora, xa que no caso de existir problemas de compatibilidade, podemos facernos cargo deles antes do lanzamento final. Tamén animamos os usuarios a que proben. Se atopas problemas, deixa que os autores do teu plugin ou tema o coñezan para que teñan a oportunidade de facerse cargo deles.
Se estás probando a release candidate e pensas que atopaches un erro, existen varias maneiras de facérnolo saber:
- Publícao na área Alpha/Beta dos foros de soporte ou en wp-testers
- Únete ao canal IRC de desenvolvemento e dínolo en vivo a través de irc.freenode.net #wordpress-dev
- Achega un bug ticket no Trac de WordPress
A tradución ao galego está practicamente ao 100%. Se desexas participar na tradución, ponte en contacto co grupo de localización do WordPress ao galego.
Para probares o WordPress 3.2, experimenta o WordPress Beta Tester plugin (queres ter as actualizacións máis “nocturnas e sanguinolentas”). Tamén podes descargar a release candidate aquí (zip).
Deixa unha resposta
Tes que iniciar sesión para publicar comentarios.