WordPress.org

Galego

WordPress 3.5 dispoñible en galego

Posted on by . Filed under Sen categoría.

Xa temos connosco a versión 3.5 do WordPress en galego. O nome de código desta versión é “Elvin”, en honra do mítico baterista Elvin Jones.

A lista pormenorizada de novidades pode ser consultada aquí. O máis destacado é isto:

Novo xestor multimedia

  • Un xestor redeseñado, máis sinxelo e intuitivo.
  • Creación de galerías máis rápida con reordenación das imaxes polo método de arrastar e soltar.
  • Inserción de varias imaxes dunha soa vez, con Shift/Ctrl+clic.

 

Novo tema predeterminado – Twenty Twelve

  • Simple, flexible e elegante.
  • Deseñado de raíz para dispositivos móbiles.
  • Integración do tipo de letra Open Sans.
  • Usa as máis recentes funcionalidades de temas.

 

Melloras no panel

  • Nova páxina de benvida.
  • Preparado para dispositivos Retina (HiDPI)
  • O xestor de ligazóns pasa a desaparecer nas novas instalacións.
  • Mellor acessibilidade nos lectores de pantalla, dispositivos sensibles ao toque e atallos de teclado.
  • Refinamento das páxinas de administración, incluíndo un novo selector de cores.

 

Nota do equipo de tradución

Aínda temos pendentes as traducións dos menús de administración e de administración de rede (premendo nestas ligazóns podedes entrar para velas e participar neste traballo colaborativo). Agradecemos as vosas achegas, que se poden facer en todo momento desde a plataforma GlotPress, só precisades estar rexistrados cun nome de usuário en WordPress.org.

Para resolver dúbidas ou comunicarnos calquera erro de tradución que atopedes, podedes contactar connosco desde a sección “Colabora” do menú desta páxina.

One thought on “WordPress 3.5 dispoñible en galego”

Deixa unha resposta

Por favor, non envíes aquí peticións de soporte! O máis seguro é que sexan ignoradas. Mellor busca nos foros oficiais de soporte (en inglés).

O teu enderezo electrónico non se publicará Os campos obrigatorios están marcados con *